Isaya 26:11 - Tshwa Bible

¹¹ Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 26:11 Mawu Ofanana

Joba 34:27

Hakuva va mu fulareleko, A va xiyisisangi a tindlela takwe.

Tisimu 10:12

Vuka, Jehova! Nungungulu, tlakusa a canja ga wena; U nga rivali lava va nga hlomulweni.

Tisimu 21:8

A canja ga wena gi ta kuma vontlhe a valala va wena, A canja ga wena ga xinene gi ta khoma laʼva ku vengako.

Tisimu 28:5

Hakuva a va khatali hi mitiro ya Jehova, Ne ni zimaho za mandla yakwe. Hikwalaho i ta va wisa lahasi, A nga ha ta va akisa.

Tisimu 78:63

A majaha yabye ma lo hihiritwa hi nzilo, Ni vanhwana vabye a va dzunziwangi kutekiweni.

Tisimu 86:17

Nzi kombise a xikombiso xa thomo ga wena, Kasi lava va nzi vengako va ta xi wona vawa tingana, Hakuva wena Jehova, u lo nzi vuna, ni ku nzi chavelela.

Eksodusi 9:14

Hakuva lezi makunu nzi ta rumela makhombo wontihe hehla ka wena, ni hehla ka malanza ya wena, ni tikweni ga wena, kasi wena wa fela ku zi tiva lezaku a nga kona munwani wo fanana na mina misaveni yontlhe.

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 10:16

Hikwalaho Hosi Jehova wa tiyimpi I ta wonzisa a vakulukileko va Assiria; Lahasi ka wukulu ga gona ku ta vura kukotisa a kuvura ka nzilo.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 11:13

A wukhuxu ga ka Efraime kambe gi ta mbhela, Ni valala va Juda va ta lobyiswa; Efraime a nga ha tava na wu khuxu ha Juda, Na Juda a nga ta hlokisa Efraime.

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 37:32

Hakuva hi le Jerusalema ku ta huma misalela, ni lava va nga pona xitsungeni xa Zioni. Lezo zi ta maheka hi kupangama ka Jehova wa tiyimpi.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 44:18

A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 59:17

I lo ambala kululama ku khwatsi xikatawu xa xiketse, Ni ndlondla ya kuhanyiswa hlokweni yakwe; A ambala tinguwo ta ku ti photela, A fenengela kupangama khwatsi i jasi. Efe. 6:14, 17; 1 Tes. 5:8

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 44:28

Lava va ta nga pona supado, va nga hi va moyana, va ta huma lomu Gipite va tlhelela tikweni ga ka Juda. Hi kona a misalela yontlhe ya ka Juda, lava va tileko va ta luvela lomu tikweni ga Gipite va ta nga zi tiva aku a mhaka yo tiya hi ya mani, a yabye kutani ya mina.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Mika 5:9

Ngha a canja ga wena gi tlakuswa hehla ka lava va ku vukelako, a valala va wena vontlhe ngha va lova. Israeli i ta basiswa.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Mika 7:16

A vamatiko va ta zi wona, vawa tingana hi kota ya ntamu wabye wontlhe; va ta ti khoma milomu, vata tindleve.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Luka 16:23

Na hi le Hayidesi le kuxanisekeni, i lo tlakusa mahlo yakwe, a wona Abrahama na hi le kule, na Lazaru a hi xifuveni xakwe.

Mitiro 28:27

Hakuva a mbilu ya tiko legi yi nonohile, A tindleve ta gona ta nonoka ku ingisa, A mahlo yabye va tsimbile, Ku nga taku va wona hi mahlo yabye, Vazwa hi tindleve tabye, Va pima hi timbilu tabye, Va hunzuluka, nzi va hanyisa. Isa. 44:18

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Maheberu 10:27

kanilezi ku sele ntsena a ku rinzela hi kuchava a kulamulwa, ni xikuhe xa nzilo lowu wu ta nga hetisa a valala. Ezek. 36:5; Zef. 3:8; 2 Tes. 1:8

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14

1 Samueli 6:9

Mu ta cuwuka, lezaku loku gona gi famba hi ndlela ya mbhingano wa gona, hi tlhelo ga Beti-Xemexe, hi ta zi tiva lezaku hi Jehova a hi neheleko kubiha loku, kasi loku gi ngayi seyo, hi ta tiva lezaku a hi canja gakwe gi hi hlaselako, kanilezi zo humelelawu basi.