11 I ta nawuluta mawoko yakwe xikari ka yona, Ku fanana ni xihlambeli loku xi kari xi hlambela; A kutikulisa kakwe ku ta tsongahatiwa, Zinwe ni wutlhari ga mandla yakwe.
Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.
Kanilezi makunu Jehova i wulile aku: Ku ta hunza malembe manharu ma fananako ni malembe ya xitiri, zonake a wukulu ga Moabi ni xidlemo xakwe xa hombe zi ta tsongahatiwa; ni misalela ya kona yi tava yitsongwani, yi nga ha khatalwi.
U miyetile a guwa ga vamatiko, Khwatsi hi mumu loku gambo gi pfhupeliswa tikweni ga xikhwakhwa; A Xizimba xa migiyo ya va tihanyi xi gumeswa ku fanana ni mumu loku wu pfhupeliswa hi refu.
Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.
Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6
Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.
Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.
Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5
I lo wutla matlhari ya vafumeli va mimoya ni mintamu, a va wisa tingana kubaseni, a giyagiya hi ku va hlula kakwe xihambanweni. Gen. 3:15; Tis. 66:18; Isa. 53:12; Lu. 10:18; Joh. 12:31
Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5