Isaya 25:1 - Tshwa Bible

¹ Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 25:1 Mawu Ofanana

Tisimu 111:4

I mahile lezaku a mitiro yakwe yi fela ku alakanyiwa; Jehova ngwa tipswalo, i tele hi wuxinji.

Tisimu 118:28

Wena u Nungungulu wa mina, nzi ta ku bonga; Wena u Nungungulu wa mina, nzi ta ku kulisa.

Tisimu 145:1

Nungungulu wa mina, nzi ta ku dumisa, Hosi; Nzi ta khesa vito ga wena kala kupinzuka.

Tisimu 146:2

Laha na nza ha hanya, nzi ta dumisa Jehova; Nzi ta yimbelela Nungungulu loku nza ha hi kona.

Tisimu 31:15

A zikhati za mina zi le mandleni ya wena; Nzi hlangute mandleni ya valala va mina, ni lava va nzi xanisako.

Tisimu 40:5

Jehova, Nungungulu wa mina, yi tele a mitiro yi hlamalisako leyi u yi mahileko, Ni makungo ya wena ha hina. A ku na munwe loyi a fananako na wena, Nzi wa ta ranza ku yi tlhatlhambutela, Kanilezi a yi na ku hlayiwa. Ekso. 15:11

Tisimu 40:6

A miphahlelo ni minyikelo a ku tsaki ha yona; U vulule a tindleve ta mina; A ku ranzi a miphahlo ya kuhiswa ni minyikelo ya kuonha. Isa. 1:11; Mika 8:7; Maheb. 10:5

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Tisimu 75:2

Loku xi chikele a xikhati xa kona, Nzi ta lamula hi nongameto.

Tisimu 78:4

Hi nga ta zi fihlela a vana vabye; Hi ta tlhatlhambutela a wudumo ga Jehova ka xizukulwana lexi xi tako, Ni ntamu wakwe, ni zirewukiso lezi a zi mahileko.

Tisimu 89:1

Nzi ta yimbelela a wunene ga Jehova kala kupinzuka, A nomu wa mina wu ta tlhatlhambutela a kutsumbeka ka wena titangeni tontlhe.

Tisimu 98:1

Yimbelelani ka Jehova a lisimu liswa, Hakuva i mahile zirewukiso; A canja gakwe ga xinene, ni woko gakwe go basa zi mu hlulele.

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Eksodusi 15:2

Jehova hi ntamu wa mina, ni lisimu la mina; Yena hi Muhanyisi wa mina. Hi yena Nungungulu wa mina, nzi ta mu dumisa; I Nungungulu wa dadani, nzi ta mu kulisa.

Isaya 11:5

A kululama ku tava lifunga la xiwunu xa yena, Ni kukholeka ku tava bhandi gakwe.

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 26:13

O Jehova, Nungungulu wa hina, Hina hi fumelwe hi tinwani ti hosi a handle ka wena, Hi kota ya wena hi ta dumisa vito ga wena.

Isaya 26:8

Ina, hi ku langutele a ndleleni ya kulamula ka wena, O Jehova; Hi navela a vito ga wena ni xialakanyiso xa wena.

Isaya 28:29

Lezo na zonawu zi huma hi ka Jehova wa tiyimpi, Loyi a nga ni makungo ma hlamalisako, ni wutlhari ga hombe.

Isaya 40:27

Hikuyini u wulako, O Jakobe, Na wena Israeli, uku: A ndlela ya mina yi fihlele ka Jehova, Niku, Nungungulu a nga wuli nchumu mhakeni ya mina?

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Isaya 46:11

Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Isaya 49:4

Kanilezi mina nzi te ngalo: Nzi tirile mahala, Nzi mbhetile a ntamu wa mina mahala hi lezi zi nga vuniko nchumu; Hambu zi hi tano, Jehova i ta lamula mhaka ya mina, A nchachazelo wa mina wu le ka Nungungulu wa mina.

Isaya 49:5

Makunu Jehova wa wulawula, Loyi a nga nzi wumba rumbyini ga mamani a kuva nanza gakwe, Lezaku nzi wuyiseta Jakobe kakwe, Nzi mu tsombanyisela Israeli; Hakuva nzi dzunzekile mahlweni ka Jehova, Na Nungungulu wa mina i ntamu wa mina.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 7:13

Isaya aku: Ingisani makunu, nwina va yindlu ya ka Davida: Kasi xilo xitsongwani loku mu karata vanhu, ko kala mu karata na Nungungulu wa mina ke?

Joeli 2:26

Mu taga mu xura, mu dumisa a vito ga Jehova a Nungungulu wa nwina, loyi a mu maheleko zihlamaliso. A tiko ga mina cima gi nga ta ha kuva ni tingana.

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Kuvululelwa 15:3

Va yimbelela a lisimu la Mosi, a nanza ga Nungungulu, ni lisimu la Yivana, vaku: A mitiro ya wena nja hombe ya hlamalisa, Hosi Nungungulu Nyamintamu, A tindlela ta wena ti lulamile ti nene, Wena Hosi ya matiko. Ekso. 15:1; Deut. 32:4; Hos. 14:9

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 7:12

ziku: Amen! A kukhesa, ni wudzunzo, ni wutlhari, ni kubonga, ni wudumo, ni wuhosi, ni ntamu, a zive ka Nungungulu wa hina kala kupinzuka ni kupinzuka. Amen.