Isaya 24:8 - Tshwa Bible

⁸ A guwa ga zigubhu gi miyele, a guwa ga migiyo gi mbhelile; A litsako la xitende li gumesile.

Isaya 24:8 Mawu Ofanana

Joba 3:7

A wusiku lego a give ngonwa, Ku nga zwali ni gezu ga litsako ka gona.

Joba 30:31

A xitende xa mina kambe xi hunzukile xiva xirilo; Ni tinanga ta mina ti hunzukile tiva magezu ya laʼva rilako.

Tisimu 137:2

Hi lo hayeka zitende za hina Lomu ziphutswini za kona.

Isaya 16:10

A litsako ni kubhuma zi susilwe masinwini ma nonileko, Lomu zivineni a ku na tisimu ni guwa ga litsako. A vakami va nga ta ha kamela vinya lomu zigowolweni, Nzi miyetile a guwa gabye ga ku elula.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Isaya 5:14

Hikwalaho Xeole xi kulisile kunavela ka xona, Xi ahlamisile a nomu wa xona ku hunza mpimo, A vahombe va Jerusalema va ta relela kona, zinwe ni zidlemo zi mahako guwa, Ni vontlhe lava va tsakako kona.

Jeremia 16:9

Hakuva Jehova wa tiyimpi, a Nungungulu wa Israeli, i ngalo: Languta, a wutshanwini legi nzi ta miyeta a magezu ya litsako ni kunengela, ni ya muteki ni mutekiwa, a kuwoneni ka nwina a ka masiku laya.

Jeremia 25:10

Nzi ta miyeta xikari kabye a gezu ga kutsaka ni kuhlakana, a gezu ga muteki ni mutekiwa, a guwa ga maribye ya xigayo, ni kuwonekela ka kandiya. Jer. 7:34; Kuv. 18:22

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Mikosi 5:14

A masingalakati a ma ha tshami tinyangweni, A majaha a ma habi zitende za wona.

Ezekieli 26:13

Nzi ta miyeta a guwa ga kuyimbelela ka wena, Ni pfumawulo wa zitende za wena wu nga ta hazwiwa kambe. Jox. 24:8; Jer. 7:34; Am. 5:23

Ezekieli 28:13

U wa hi le Edeni, a sinwini ga Nungungulu, u fenengetwa hi maribye ya tsengo, ma nga marubisi, ni topaze, ni daimani, niberile, ni onikisi, ni jasperi, ni safira, ni emeraldi, ni karbunkele, ni nzalama. A ntiro wo maha tingoma ni maxava wu wa hi kona ka wena, a siku lego u nga vangiwa ha gona.

Hosea 2:11

Nzi ta mbhetisa a litsako lakwe lontlhe, ni mibuzo yakwe, ni mihlakano ya kuwoneka ka hweti, ni masabado yakwe, ni tihlengeletano takwe tontlhe ta ximuse.

Amosi 6:7

Makunu va taya wukhumbini va rangela vanwani va yiswako kona, ku mbheta a kupolomba ka lava va nga wa ti nawula.

Kuvululelwa 18:22

A gezu ga vabi va magubhu ni vayimbeleli, ni lava va bako maxava ni mimpunzu cima gi nga ta ha zwiwa ka wena kambe; cima ku nga ha ta kumiwa ka wena a meseri ni wa wihi ntiro; ni guwa ga xigayo gi nga ha ta zwakala ka wena kambe. Isa. 24:8; Ezek. 26:13