Isaya 24:6 - Tshwa Bible

⁶ Hikwalaho a nzhukano yi khadamule misava, Ni vaaki va yona va konekile. Hikwalaho a vaaki va misava va hisiwa, a hi vanyingi va seleko.

Isaya 24:6 Mawu Ofanana

2 Tihosi 24:12

Zonake Jehoiakina a hosi ya ka Juda i lo ti nyikela ka hosi ya le Babuloni zinwe ni nyine wakwe, ni malanza yakwe, ni tinduna takwe, ni mithenwa yakwe. A hosi ya le Babuloni yi lo mu khoma hi lembe ga wu 8 ga kufuma kakwe.

2 Tihosi 25:12

Ntsena lezaku a nduna ya varinzeli yi lo siya vanwani vatsongwani va tiko kasi va fela ku hlayisa a zivina ni ku rima a masimu.

Isaya 1:31

A nhenha yi ta ku khwatsi fufanyi, ni ntiro wa yona wu ta ku khwatsi i hlahle, hi wumbiri gabye va taswa zinwe, a nga kona a ta nga va timela.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 34:5

Hakuva a supado ya mina yi popilwe le tilweni, Langutani, yi ta relela hehla ka Edome, A ku ya lamula a tiko legi gi rukateleko.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 12:4

Xana kala rini a tiko na gi keta. A khubyanyi na gi woma mikoveni. Hi kota ya kubiha ka lava va akileko lomo ke? A zihari ni zinyanyani za lova, Hakuva ve ngalo: A nga ta wona kugumelwa ka hina.

Jeremia 5:14

Hikwalaho Jehova Nungungulu wa tiyimpi i ngalo: Hi kota ya lezi mu wulileko lezo, nzi ta hunzula a timhaka ta mina tiva nzilo a nonwini wa wena, nzi hunzula tiko legi giva tihunyi, ni nzilo wu ta va khadamula,

Ezekieli 5:3

U ta teka misisi yi tsongwani u yi bohela lomu ngubyeni ya wena.

Levi 26:22

Nzi ta rumela zivanza xikari ka nwina; zi ta daya a vanana va nwina, zi mbheta a zifuyo za nwina, zi mu maha va tsongwani; zonake a tindlela ta nwina ti ta maha wuphupha.

Malaki 2:2

Loku mu nga xi ingisi, ni loku mu nga xi veki timbilwini ta nwina, lezaku mu dzunza vito ga mina, ku wula Jehova wa tiyimpi, zoriake nzi ta rumela a nzhukano hehla ka nwina, nzi rukatela a makatekwa ya nwina. Ina, nzi sina nzi ma rukatele, hakuva a mu xi khataleli. Deut. 28:15

Malaki 3:9

Mu rukilwe hi nzhukano, hakuva mu nzi yivela, nwina nwentlhe va tiko legi.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Malaki 4:6

I ta tlhelisa a timbilu ta vadadani ka vanana vabye, ni timbilu ta vanana ka vadadani vabye, kasi nzi ngati nzi ta ba a tiko hi nzhukano. Mika 7:6

Mateu 27:25

A vanhu vontlhe va lo hlamula, vaku: A nkhata wakwe a wuve hehla ka hina, ni hehla ka vana va hina. Deut. 19:10; Jox. 2:19; 2 Sam. 1:16

Mateu 7:14

Kanilezi a nyangwa ya wutomi yi hlonganile, ni ndlela yi yako kona yi khumile, mbatsongwani lava va yi kumako.

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Deuteronome 28:62

Mu ta sala mu hi tsengo wutsongwani, kasi lezo nwinawu mu wa ku khwatsi mu tinyeleti ta tilo hi wunyingi ga nwina, hakuva wena a ku zwisi-sangi a gezu ga Jehova Nungungulu wa wena.

Deuteronome 4:27

Jehova i ta mu hangalasa xikari ka matiko, zonake mu ta siyiwa mu hi tsengwana wutsongwani xikari ka matiko lawo Jehova a ta nga mu yisa ka wona.

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11