Isaya 24:5 - Tshwa Bible

⁵ Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Isaya 24:5 Mawu Ofanana

2 Samueli 23:5

Xana a yi lezo a yindlu ya mina mahlweni ka Nungungulu ke? Hakuva i mahile xivumelwano xa pinzukelwa na mina, Lexi xi longiselweko khwatsi, xi tiyiswa. Wa kulisa a kuhanyiswa ka mina kontlhe ni kutsaka ka mina kontlhe.

2 Tihosi 21:12

hi kota ya lezo Jehova Nungungulu wa ka Israeli i ngalo: Nzi ta neha khombo lomu Jerusalema ni tikweni ga ka Juda, a khombo ga hombe nguvu gaku ni wihi loyi a ta nga gizwa a tindleve takwe ti ta cwangula.

2 Tihosi 21:15

hakuva va mahile lezi zi bihileko mahlweni ka mina, va nzi zangarisa, kusukela siku lego nzi nga humesa vararu vabye hi le Gipite kala nyamutlha.

2 Kronekele 33:9

Makunu Manasa i lo hambukisa va ka Juda ni vanhu va le Jerusalema, va maha kubiha ku hunza ni matiko lawa Jehova a ma lovisileko mahlweni ka va ka Israeli.

Tisimu 105:10

A zi tiyisa ka Jakobe lezaku ziva nayo, A ka Israeli xiva xivumelwano xi nga gumelwiko.

Tisimu 55:5

A kuchava ni kururumela zi wele hehla ka mina, A manyeho ma nzi khubunyetile.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 33:8

A magonzo ma fuva, a ka ha fambi munhu tindleleni; I tshovile xivumelwano, i kanyisile miti, A nga khataleli vanhu. Vala. 5:6; 2 Tih. 18:14

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 11:10

Va tlhelele zigohweni za vakoko vabye, lava va nga ala ku ingisa timhaka ta mina. Va lanzele vanwani vanungungulu, va va khozela. A yindlu ya ka Israeli ni yindlu ya ka Juda ti tshovile a xivumelwano xa mina lexi nzi xi mahileko ni vararu vabye.

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Ezekieli 16:59

Hakuva Hosi Jehova i ngalo: Nzi ta ku tlhelisela kota mitiro ya wena, hakuva u kanyisile a xifungo u tshova a xivumelwano.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:24

hakuva a va mahangi a zileletelo za mina, kanilezi va alile milayo ya mina, va nyenyezisa a masabado ya mina, ni mahlo yabye ma wa lanzela a zifananiso za vararu vabye.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Danieli 9:10

A hi ingisangi a gezu ga Jehova a Nungungulu wa hina, hambu ku gonga milayo yakwe leyi a nga yi yimisa mahlweni ka hina hi vaprofeti, a malanza yakwe.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Hosea 6:7

Kanilezi va tshovile a xivumelwano khwatsi hi Adamu; va nzi kanganyisile kwalaho.

Levi 20:22

Lezo mu ta hlayisa milayo ya mina yontlhe, ni zileletelo za mina zontlhe, mu zi maha, kasi a tiko legi nzi mu yisako ka gona a kuya aka, gi nga mu hlati.

Levi 26:35

Gi ta humula ka masiku wontihe ya kuhahluka ka gona, hakuva gi wa nga humulangi ka masabado ya nwina, a xikhatini lexi mu nga tshamile ka gona.

Mika 2:10

Sukani mu famba, hakuva a mu na wuhumulelo laha, hi kota ya ku nga hlazeki loku ku yisako kulobyisweni ka hombe.

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 32:20

Aku: Mina nzi ta va fihlela a nghohe ya mina, Nza nga wona lezi zi to humelela, Hakuva lixaka la ku gombonyeka, I vanana va nga tsumbekiko.

Maheberu 13:20

Makunu ngha Nungungulu wa kurula, loyi a wuyisileko hi ka vafileko a Hosi ya hina Jesu, loyi a nga murisi wa hombe wa tiyivu, hi nkhata wa xivumelwano xa pinzukelwa, Isa. 40:11; Ezek. 34:23; Zak. 9:11; Joh. 10:11, 14; Rom. 4:24; 15:33

Maheberu 9:1

Hakunene ni xivumelwano xo sangula xi wa hi ni mileletelo ya ku khozela Nungungulu, ni wutshamu go basa ga laha misaveni, Ekso. 25:8

Joxua 23:16

Loku mu hambunyeta xivumelwano lexi Jehova Nungungulu wa nwina a mu leleteleko xona, mu ya khozela vanwani vanungungulu, mu khizama mahlweni ka vona, a zanga ya Jehova yi ta mu vukela, na nwina mu ta hatlisa mufa lomu ka tiko legi go saseka, legi a mu nyikileko gona. Levi 26:14; Deut. 4:25

Joxua 24:25

Zonake Joxua i lo maha xivumelwano ni vanhu lego siku, ni ku va vekela nayo ni xileletelo leyo Xekemi.