Isaya 24:19 - Tshwa Bible

¹⁹ A misava yi panzekile, a misava yi avanyekile; misava ya tsekatsekiswa;

Isaya 24:19 Mawu Ofanana

Tisimu 75:3

Hambu misava yi tsekatseka zinwe ni vontlhe lava va akileko ka yona, Mina nza tiyisa a timhanze ta yona. (Sela.)

Isaya 13:13

Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Nahume 1:5

A zitsunga za tsekatseka: mahlweni kakwe, ni miganga ya nyeka; a misava ya kukumuka mahlweni kakwe, a tiko ni zontlhe, zi tshamako ka gona. Ekso. 19:18; Joeli 3:16; Mika 1:4

Habakuka 3:6

A yima a pima misava, A cuwuka, a matiko ma rurumela; A zitsunga za kale zi panzeka, A miganga ya kaleloko yi korama; Ti nga tindlela takwe ta kaleloko.

Mitsengo 16:31

Laha na a mbhetile ku wulawula tontlhe leti timhaka, a misava leyi yi nga wa hi lahasi kabye yi lo avanyeka.

Mitsengo 16:32

A misava yi lo ahlamisa a nomu wa yona, yi va mita ni mingango yabye, ni vanhu vontlhe va Kora, ni yontlhe tshomba yabye. Deut. 11:6; Juda 11

Mateu 24:3

Na a tshamile xitsungeni xa maoliva, a vapizani va lota kakwe na va hi voce, va taku: Hi byele a xikhati zi ta nga maheka ha xona lezi zilo, u hi tivisa ni xiwoniso xa kuwuya ka wena ni xa kugumesa ka tiko.

Deuteronome 11:6

ni lezi a zi mahileko ka Datani na Abiramu, a vana va Eliabe, a nʼwana Rubeni, laha misava yi nga ahlama a nomu wa yona yi va mita ni mingango yabye, ni matenda yabye, ni zontlhe lezi zi va lanzeleko xikari ka vaIsraeli vontlhe. Mitse. 16:31; Tis. 106:17

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

2 Pedro 3:12

Nwina lava mu langutelako mu hatlisisa a kuta ka siku ga Nungungulu, legi a matilo ma ta nga hiswa ha gona ma nyunguluka, ni tinyeleti ti ta nga nyeka hi kuhisa ka hombe. Tis. 50:3; Isa. 34:4; Mika 1:4

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10