Isaya 24:14 - Tshwa Bible

¹⁴ Va ta tlakusa magezu yabye, va yimbelela hi litsako hi kota ya wukulu ga Jehova, vaba huwa hi le bimbini.

Isaya 24:14 Mawu Ofanana

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 27:2

A ka siku lego ku tava kona a xivina xi teleko hi mihanzu, Va ta yimbelela ha xona, vaku:

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 35:2

Ma ta pfepfa ku hunza mpimo, Ma bhuma hi litsako ni kuyimbelela; Ma ta nyikiwa a wukosi ga Lebanoni, Ni kunona ka Karmeli na Xaroni. Va ta wona a wukulu ga Jehova, ni wukenikeni ga Nungungulu wa hina.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 54:1

Yimbelela hi kutsaka, O ngonwa, Wena loyi u nga pswaliko; Tlhava zizimba u banguluka wena loyi u kalako u nga se ku lunwa hi nyimba! Hakuva a vana va loyi a tsikilweko va tele Ku hunza a vana va loyi a tekilweko, ku wula Jehova. Gal. 4:27

Isaya 60:5

Zonake u ta zi wona u tsaka, A mbilu ya wena yi ta tlula-tlula yi nengela, Hakuva a kufuma ka bimbi ku ta tiswa ka wena, Ni titshomba ta matiko ti tata ka wena.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 51:10

Jehova i yimele a mhaka ya hina. Tanani hi ta bikela Zioni a ntiro wa Jehova a Nungungulu wa hina.

Zakaria 2:10

Yimbelela u tsaka, wena nhanyana wa Zioni! Hakuva nzata, nzi ta tshama xikari ka wena, ku wula Jehova. Isa. 12:6; Joh. 1:14; 2 Kor. 6:16