Isaya 23:13 - Tshwa Bible

¹³ Languta a tiko ga maKaldea! a vanhu a va ha hi kona. A maAssiria ma gi mahile a wuakelo ga zivanza za xiwula; va akile makhokhola ya gona, va khungumula ziluvelo za gona; yena i lo gi maha marumbi.

Isaya 23:13 Mawu Ofanana

Genesisi 11:28

Harani i lofa hi mahlweni ka Tera a raru wakwe, a tikweni legi a nga belekelwa ka gona, lomu Ure wa maKaldea.

Genesisi 11:31

Na Tera i lo teka Abrama, a nisanyana wakwe, na Loti a nisanyana wa Harani, a zukulu wakwe, na Sarai a katamwane wakwe, a sati wa mufana wakwe Abrama; i lo Suka navo le Ure wa maKaldea vaya tikweni ga le Kanani, va lo chikela Harani va aka lomo.

Genesisi 11:9

Hikwalaho a vito ga wona va lo wu vitana ku ngalo hi Babeli; hakuva Jehova i lo hakasa a lirimi la tiko gontlhe; na Jehova i lo va hangalasa misaveni yontlhe.

Genesisi 2:14

A vito ga congo wa wunharu hi Hedekeli: hi wona lowu wu khulungelako a Mutsuwuka-gambo wa Assiria. A congo wa wumune hi Eufrate.

2 Tihosi 17:24

A hosi ya le Asiria yi lo neha a vanhu va le Babuloni ni va le Kuta ni va le Ava, ni va le Hamate, ni va le Sefarvaime, yi ta va akisa lomu mitini ya Samaria, matshanwini ya vanana va ka Israeli; va lo tshama Samaria, va aka mitini ya kona.

2 Tihosi 20:12

Xikhatini xwalexo Berodaki-Baladani nʼwana Baladani a hosi ya le Babuloni, i lo rumela a papilo ni zinyikiwo ka Hezekia, hakuva i wa zwile lezaku i wa babya.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

Joba 1:17

Laha na a ha wulawula ku lota kambe wunwani, wu taku: A maKaldea ma ti avanyisile hi mintlawa minharu, va wela hehla ka makameli, va ma teka, va daya varisi hi tisupado; ku lo pona mina nzoce nzi ku byelako.

Tisimu 72:9

Lava va tshamako xiwuleni va ta korama mahlweni kakwe, Ni valala vakwe va ta laza a ntshuri.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 10:7

Ahemba, yena a nga sungwi hi lezo, A mbilwini yakwe a nga alakanyi lezo; Kanilezi a mbilu yakwe yi xuva ku lovisa, Ni ku hihirita matiko ya ku tala.

Isaya 13:19

Babuloni, loyi a dzunziwako hi mifumo, A muti lowu a maKaldea ma ti kulisako hi kubombisiwa ka wona, Wu taku khwatsi hi Sodoma ni Gomora laha Nungungulu a nga yi lovisa.

Isaya 13:21

A zihari za xiwula zi ta etlela lomo, A tiyindlu tabye ti ta tala hi zihuluhuhu; Timbuwu ti ta tshama kona, Ni timhongo ti ta khanela lomo. Jer. 50:39; Kuv. 18:2

Isaya 18:6

Vontlhe va ta nyikelwa ka makoti ya lomu zitsungeni, Ni ka zivanza za khwati; A makoti ma ta vaga laha ximunwini, Ni zivanza zontlhe za khwati zi ta vaga laha wuxikeni.

Isaya 43:14

Jehova a Mutlhatlhisi wa nwina, Loyi a Basileko wa ka Israeli, i ngalo: Hi kota ya nwina nzi rumile a muhlaseli le Babuloni, Nzi hlongola vontlhe vahombe va kona, A maKaldea va ta tsutsuma lomu matarwini yabye va nga tsaka ha wona.

Ezekieli 23:23

a maBabuloni, ni maKaldea wontihe, Pekode na Xoa na Koa, ni wontihe maAssiria, a majaha ma hlawulekako, a vafumeli ni vatongi vontlhe, a tihosana ni vanhu va dumileko, vontlhe na va khilele mahaxi.

Ezekieli 29:18

Nʼwana wa munhu, Nebukadrezzare a hosi ya le Babuloni, i rumile a yimpi yakwe ku tira a ntiro wo binza le Tire. A tihloko tontlhe ti lo kuluveka, ni makatla wontihe ma wa pswhomukile. Kanilezi yena ni yimpi yakwe a va kumangi hakhelo le Tire ya ntiro lowu va wu mahileko wa ku gi vukela.

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Habakuka 1:6

Hakuva nzi ta vuxa a maKaldea, a tiko go leva ga tihanyi, legi gi tsemakanyako a misava yontlhe, kasi ku ya teka a wuakelo legi gi nga hiko gabye.

Mitiro 7:4

Zonake i lo huma tikweni ga maKaldea, a ya aka Harani. Laha a raru wakwe a nga file, Nungungulu i lo mu rurisa, a mu tisa tikweni legi mu akileko ka gona makunu. Gen. 11:31; 12:4; Maheb. 11:8