Isaya 22:5 - Tshwa Bible

⁵ Hakuva i siku ga hlomulo, a siku ga ku kanzihelelwa ni pfilupfilu, Legi gi rumelweko hi Hosi Jehova wa tiyimpi le nkoveni wa miwoniso; A ligingisi li khungumulwa, a nkosi wu ya chikela le xitsungeni.

Isaya 22:5 Mawu Ofanana

2 Tihosi 19:3

Va yaku kakwe: Hezekia i ngalo: Legi siku i siku ga hlomulo, ni ga kukawukwa, ni ga tingana, hakuva a vanana va lava ku huma lomu nzeni, kanilezi a ntamu wa ku pswala wu hava. Hos. 13:13

2 Tihosi 25:10

Zonake yontlhe a yimpi leyi ya maKaldea yi nga wa hi ni nduna ya varinzeli yi lo khungumula a ligingisi leli li nga wa renzelekele Jerusalema.

Estere 3:15

Hi kuleletela ka hosi, a mitsukano yi lo huma hi kutsutsuma, ku biwa nyiwo ni le Xuxani a zinzeni. A hosi na Hamani va lo tshama lahasi vanwa, kanilezi a muti wa Xuxani wu wa tele hi kukanganyiseka.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 22:1

Zi lo yiniyini makunu, lezi a vanhu va wena vontlhe va kanzihako hehla ka tiyindlu?

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 37:3

va yaku kakwe: Hezekia e ngalo: Inyamutlha i siku ga hlomulo, ni ga kulayiwa, ni ga tingana; hakuva a vanana va chikelelwe hi xikhati xa kuhefemulwa, kanilezi a ntamu wa ku va beleka a wu kona.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 63:3

Nzi wa kanzihele lomu xigowolweni xa vinya na nzi hi nzoce, Ni munwe xikari ka matiko nzi wa nga hi naye. Ina, nzi va kanzihelele zangeni ya mina, Nzi va ganyetela hi kota ya khulo ga mina; Ni nkhata wabye wu phandlukele a tinguwo ta mina, Nzi nyenyezisa a nguwo ya mina yontlhe.

Isaya 63:6

Nzi lo kanzihelela matiko zangeni ya mina, Nzi va popisa hi khulo ga mina, Nzi halata nkhata wabye laha misaveni.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Mikosi 1:5

A vavengi vakwe va buma, ni valala vakwe va vuvuma; Hakuva Jehova i mu rumile makhombo hi kota ya kutala ka zigoho zakwe. A zivanana zakwe zi yile wukhumbini, na zi guliwa hi nala.

Mikosi 2:2

A Hosi yi hahlula yontlhe a miti ya ka Jakobe, na a nga hi na kutsetsa. Hi zanga yakwe i khungumule a makhokhola ya nhanyana wa ka Juda, I ma wisile lahasi, a onha a mufumo ni tihosi ta kona.

Mikosi 2:8

Jehova i xuvile ku khungumula a khurisi ga nhanyana wa Zioni; I tshambulutile a lingoti, a nga khanyetangi woko gakwe a tsika ku gi onha; Kanilezi i mahile a ligingisi ni khurisi ziba nkosi, zi onhekile khatiginwe. 2 Tih. 21:13; Zak. 1:16

Ezekieli 7:7

A khombo gi ku chikelele, wena muaki wa tiko. A xikhati xi chikele, a siku gi tshinele; na gi nga hi ga ku tlhava zizimba lomu zitsungeni, kanilezi ga zolonga.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Mika 7:4

A wa nene wa kona ka yontlhe i fanana ni xigetlwani, ni leyi a hunzeleleko kululama i fanana ni khuhu ga mizwa, Gi tshinele a siku ga tsayiselelo wa wena, legi gi wulilweko hi varinzeli va wena, makunu ku tava ni vilinganya.

Zefania 1:15

Lego siku i siku ga khulo, i siku ga zikarato ni hlokiselelo, a siku ga kuhahlula ni kuhangalaka, a siku ga munyama ni dzuvi, a siku ga marefu ni kuphuma.

Mateu 24:16

zonake lava va nga le Judia a va chavele zitsungeni;

Luka 23:30

Xikhatini lexo va ta sangula ku wula ka zitsunga, vaku: Welani hehla ka hina; ni ka zitsungana: Hi khubhunyeteni. Isa. 2:19; Hos. 10:8; Kuv. 6:16