Isaya 22:13 - Tshwa Bible

¹³ Kanilezi nwina mu lo maha migiyo ya litsako, mu lo tlhava tikavi ni tiyivu; ku giwa tinyama, ku nwiwa vinya, muku: A hi geni, hinwa, hakuva manziko hi tafa!

Isaya 22:13 Mawu Ofanana

Isaya 26:10

Loku a wa kubiha a rivalelwa, a nga gonzi ku maha kululama, Ni lomu tikweni ga kululama i ta maha kubiha, A nga woni a wukulu ga Jehova.

Isaya 29:1

Khombo ka Arieli, Arieli, a muti lowu Davida a nga govela kona, Engetelani lembe hi lembe, ni mibuzo a yi nyiketane!

Isaya 47:8

Hikwalaho zwana lezi, wena loyi u ranzako ku ti tsakisa; Wena loyi u tshamekileko: Wena loyi unge mbilwini ya wena: Hi mina nzoce, a ku na munwani, Cima nzi nga ta kuva noni, Hambu ku lahlekelwa hi vanana.

Isaya 5:11

Khombo ka vona lavo va vinzukako ni mixo, va tsutsumela byala, Ni lava va hungatekako laha wusikwini, va hiswa hi vinya,

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Isaya 58:3

Vaku; Zi hi vuna yini a ku yila, loku wena u nga hi woni? Ni ku hlokisa a mihefemulo ya hina, loku u nga wuli nchumu ha zona? Langutani, a siku legi mu yilako zakuga mu tira mitiro ya nwina, Mu tirisa hi ntamu a zitiri za nwina.

Ezekieli 16:49

A xionho xa makwenu Sodoma, ku wa hi lexi: matshanza, kulonzola zakuga, yena ni vanhanyana vakwe va wa ti rivata; i wa nga zweli a nyakeke ni muvumali. Gen. 13:13

Hosea 9:1

Israeli, u nga bhumi hi kutsaka khwatsi hi matiko; hakuva u fularele a Nungungulu wa wena wubhayini, u ranzile a nzhiho wa wubhayi matshanwini wontihe ya kuhula.

1 Va le Korinte 15:32

Za nzi vuna yini lezaku nzi lwile ni zihari le Efesusi? (na nzi wulawula kota vanhu.) Loku a vafileko va nga vuki, a hi geni, hinwa, hakuva manziko hi tafa. Isa. 22:13; Lu. 12:19; 2 Kor. 1:8

Jakobe 5:5

Nwina mu hanyile hi malongo misaveni, mu ti tsakisa; mu nonisile a timbilu ta nwina a sikwini ga kutlhabyiwa. Am. 6:1, 4; 1 Tim. 5:6