Isaya 21:3 - Tshwa Bible

³ Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Isaya 21:3 Mawu Ofanana

Tisimu 48:6

Ti lo sangula ku rurumela Kukotisa kulunwa ka wasati.

Isaya 13:8

Va chava, va khomiwa hi hlenekera ni kuxaniseka, Va tava kubayisekeni kukotisa a wasati loku a lunwa. Va cuwukana hi ku hlamala, a tinghohe tabye tiku khwatsi i nzilo.

Isaya 15:5

A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

Isaya 16:11

Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Isaya 16:9

Hikwalaho zinwe na Jazera nzi ta rilela a xivina xa le Sibna; Nzi ta ku tsakamisa hi mihloti ya mina, wena Hexboni na Eleale; Hakuva a huwa ya mutshoveli yi wele hehla ka mihanzu ya wena ya ximumu ni kutshovela ka wena.

Isaya 26:17

Khwatsi hi wasati loyi a nga ni rumbu, Loku a chikelelwe hi masiku ya kuhefemula kakwe, Izwa kubayisa, aba huwa kubayisekeni kakwe, Hinawu hi wa hi lezo, O Jehova.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 50:43

A hosi ya le Babuloni yi zwile hi wudumo gabye, hikwalaho a mawoko yakwe ma mbhela ntamu. Yi telwe hi hlenekera ni kubayisa ko kota wasati a lunwako.

Jeremia 6:24

Hi zwile a wudumo gabye, a mawoko ya hina ma mbhela ntamu, Hi telwe hi hlanekera ni kubayisa ko kota wasati a lunwako.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Johani 16:21

A wasati loku a ha lunwa wa xaniseka, hakuva xi chikele a xikhati xakwe; kanilezi loku a belekile a xinwanana, a nga ha ku alakanyi a kubayisa, hakuva wa tsaka hilezi ku belekilwe munhu misaveni. Isa. 26:17

Deuteronome 28:67

Laha mixweni u taku: O, loku ku wo khwa kupeta ka gambo! Ni laha gambyeni u taku: O, loku ku wo khwa i mixo! U ta wula lezo hi kutshisa ka mbilu ya wena loku ku ta nga tshisa ha kona, hi zilo lezi u ta nga zi wona hi mahlo ya wena.

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6