Isaya 2:6 - Tshwa Bible

⁶ Jehova, u tsikile a vanhu va wena, a yindlu ya Jakobe, hakuva va tele hi mikhuwo ya le Mutsuwuka-gambo, zitumbe khwatsi maFilistia, va catana wunghana ni vamatiko.

Isaya 2:6 Mawu Ofanana

2 Tihosi 1:2

Ahazia i lowa hi laha njhaneleni ya yindlu yakwe le xitezi, leyi yi nga wa hi le Samaria; i lo babya. Zonake i lo rumela a mitsumi aku ka yona: Fambani mu ya wutisa ka Baali-Zebuba, a nungungulu wa va le Ekroni, kasi nza fela ku tiva lezaku xana nzi ta hanya ka wubabyi legi.

2 Tihosi 17:20

Zinghaho Jehova i lo cukumeta pswalo wontihe wa ka Israeli, a va hlokisa, a va nyikela mandleni ya vaphangi, kala a va susa mahlweni kakwe. Vala. 2:14

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

2 Kronekele 24:20

A Moya wa Nungungulu wu lota ka Zakaria nʼwana mupristi Jehoiada; i lo yima mahlweni ka vanhu, aku kabye: Nungungulu i ngalo: Hi kuyini mu hambunyetako milayo ya Jehova? Cima mu nga ta vuvuma, hakuva kota lezi mu tsikileko Jehova, yenawu i mu tsikile. Vala. 6:34; Lu. 24:49

Nehemia 13:23

Masikwini walawo nzi lo wona kambe a vaJuda lava va nga wa tekene ni vavasati va ka Axdodi, ni va ka Amoni, ni va ka Moabi;

Tisimu 106:35

Kanilezi va lo tlhangana ni vamatiko, Va gonza mahanyela yabye.

Eksodusi 22:18

U nga tsiki a xitumbe xa wasati xi hanya.

Eksodusi 34:16

hambu ku wuta a vanhanyana vabye u lowota a vana va wena, kutani a kuva a vanhanyana vabye va hambukisa a vana va wena, hi ku lanzela vanungungulu vabye. Vala. 3:6; 1 Tih. 11:2

Mavingu 6:1

Nwananga, loku u ti bohile hi nanzu wa muakelane wa wena, oku u nyikele a woko ga wena a ku tiyisa a wamatiko;

Isaya 14:29

Wena tiko gontlhe ga Filistia u nga tsaki, Hikuva yi tshovekile a nhonga leyi yi nga kuba; Hakuva a mutswini wa nyoka ku ta huma xihihigani, Ni pswalo wa xona wu tava a nyoka yo tshisa yi hahako. 2 Tih. 18:8; Jer. 47:1

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Jeremia 10:2

Jehova i ngalo: Mu nga gonzi a mahanyela ya vamatiko, Mu nga chaviswi hi zikombiso za le tilweni, Hakuva a vamatiko va chavisiwa ha zona. Levi 18:3; Isa. 47:13

Jeremia 12:7

Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

Mikosi 5:20

Hikuyini u hi rivalako kala ku pinzuka, U hi tsika xikhati xo leha ke?

Levi 19:31

Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Levi 20:6

Loku munhu aya ka zitumbe ni ka vangoma, a bhaya zinwe navo, nzi ta mu cuwukisa hi mahlo ya makayi, nzi mu susa ka va ka kabye.

Mika 5:11

Nzi ta hahlula a miti ya tiko ga wena, nzi khungumula a makhokhola ya wena wontlhe.

Mika 5:12

Nzi ta fuvisa a wutumbe canjeni ga wena, u nga ha ta kuva ni vavumbi kambe.

Zefania 1:8

Hi siku ga muphahlelo wa Jehova nzi ta tsayisa a tihosana ni vana va hosi, ni vontlhe lava va ambeleko a tinguwo ta ginwani tiko. 2 Tih. 25:6

Mitsengo 23:7

Zonake Balaami i lo vumba, aku: Balake i nzi vitanile na nzi hi le Arama, A hosi ya Moabi yi nzi relelisile zitsungeni za le Mutsuwuka-gambo, aku: “Ngone u ta nzi phungela Jakobe! Ngone u ta zangarela Israeli!” Deut. 23:4

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

1 Samueli 6:2

A vaFilistia va lo vitana vapristi ni zitumbe, va taku kabye: Hi ta mahisa kuyini hi arke ga Jehova? Hi byeleni lezi hi ta nga gi tlhelisisa zona wutshanwini ga gona.