Isaya 2:2 - Tshwa Bible

² A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Isaya 2:2 Mawu Ofanana

Genesisi 49:1

Zonake Jakobe i lo vitana a vana vakwe, aku: Tlhanganani nzi ta mu tivisa lezi zi ta nga mu humela zikhatini za ha tako.

Joba 19:25

Hakuva nza zi tiva lezaku a Mutlhatlhisi wa mina wa hanya, Ni lezaku hi magumo i ta yima hehla ka misava. Isa. 41:14; Hos. 13:14

Tisimu 102:23

I rerile a ntamu wa mina laha ndleleni, I komisile masiku ya mina.

Tisimu 2:8

Kombela ka mina, nzi ta ku nyika a matiko a kuva tshomba ya wena, Ni magemetamusi ya misava ma ta lumba wena.

Tisimu 22:27

Wontihe matlhelo ya misava ma ta alakanya Jehova, ma hunzuluka; Tixaka tontlhe ta vamatiko ti ta khizama mahlweni ka wena.

Tisimu 22:28

Hakuva a mufumo ngwa Jehova; Hi yena mufumeli wa matiko wontihe. Obad. v. 21; Mika 5:2

Tisimu 48:2

Xi sasekile a xitsunga xa Zioni, xi tsakisa a misava yontlhe, Xi le tlhelo ga Nwalungu, a muti wa Hosi ya hombe. Mat. 5:35

Tisimu 68:17

A tikareta ta Nungungulu ti hi mazana ya mazana, Ku nga makume ya mazana ma wuyetilweko, A Hosi yi lomu xikari ka tona; Sinai gi lomu wutshanwini gi basileko. Dan. 7:10

Tisimu 72:8

I ta fuma kusukela ka bimbi ginwe kala kuya ginwani, Ni kusukela Congweni kuya magemeta-musi ya misava.

Tisimu 86:9

A matiko wontihe lawa u ma mahileko ma tata, ma ku khizamela, Hosi, Ma kulisa vito ga wena. Zef. 2:11; Zak. 14:9

Tisimu 87:1

A ziseketelo za Zioni zi lomu zitsungeni za kubasa.

Tisimu 87:2

Jehova wa ranza a tinyangwa ta Zioni, Ku hunza a wuakelo gontlhe ga Jakobe.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 25:6

A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 30:29

Nwina mu ta yimbelela lisimu lo fanana ni leli li yimbelelwako ni wusiku mubuzweni wa kubasa; A timbilu ta nwina ti ta tsaka khwatsi hi ta lava va bako maxava loku vaya xitsungeni xa Jehova, A Ribyeni ga Israeli.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24

Isaya 65:11

Kanilezi nwina lava mu tsikako Jehova, Mu rivalako a xitsunga xa mina xa kubasa, Mu longiselako Gadi a meza, Mu khelako Meni a vinya;

Isaya 66:20

Va ta neha vamakwenu vontlhe hi le matikweni a kuva munyikelo ka Jehova. Va tata na va khilele mahaxi, ni tikareta, va tlakuliwa hi machira, vanwani va famba hi mamula ni makameli, vaya xitsungeni xa mina xi basileko le Jerusalema, ku wula Jehova; va nehiwa khwatsi hi vanana va ka Israeli va nehako minyikelo yabye lomu zibyeni zi basileko a ndlwini ya Jehova. Levi 2:1

Isaya 66:23

Zonake a kuhumeni ka hweti yinwe ni yinwani, ni ka sabado ginwe ni ginwani, a nyama yontlhe yi tata ku ta nzi khozela, ku wula Jehova.

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Jeremia 26:18

Mika wa le Moraxi i lo profeta masikwini ya Hezekia hosi ya ka Juda, a byela vontlhe vanhu va ka Juda, aku: Jehova wa tiyimpi i ngalo: Zioni gi ta rimiwa kota simu, Ni Jerusalema gi tava nhulu ya maribye, Ni xitsunga xa tempeli xi tava xitsunga xa khwati. Mika 3:12

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 49:39

Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.

Jeremia 51:44

Nzi ta tsayisa Beli le Babuloni, Nzi humesa nonwini wakwe zo ntlhe lezi a zi mitileko. A matiko ma nga ta ha hlengeletana ka yena kambe; Ina, a khurisi ga Babuloni gi ta khungumuka.

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Ezekieli 40:2

Hi miwoniso ya Nungungulu i lo nzi yisa tikweni ga Israeli, a ya nzi yimisa hehla ka xitsunga xo leha, laho ku nga hi xo khwatsi i muti hi tlhelo ga Dzonga.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Danieli 2:35

Zonake a xiketse, ni wumba, ni suku, ni siliva, ni nzalama zi lo fayetelwa zinwe, ziku khwatsi muhungu laha xihulweni xa ximumu. A mheho yi lo zi kukuleta lezaku zi nga ha kumeki. A ribye legi gi ngaba a xifananiso gi lo maha a xitsunga xa hombe, gi tatisa a misava yontlhe.

Danieli 2:45

Lezi za komba a ribye legi u nga gi wona na gi lemuka laha xitsungeni, gi ta fayetela a xiketse, ni suku, ni wumba, ni siliva, ni nzalama. A Nungungulu wa hombe i tivisile hosi lezi zi ta nga maheka anzhako ka lezi. A noro wu tiyisile, ni tlhamuselo wa wona wu wula zinene.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Zakaria 14:10

A tiko gontlhe kusukela Geba kala Rimmoni le Dzongeni ga Jerusalema, gi ta hunzuka livala. Jerusalema gi ta tlakuka a tshama wutshanwini gakwe, kusukela nyangweni ya Benjamini kala nyangweni yo ranga, ni ku kala nyangwa ya laha gwitsini; ni kusukela le khokholeni ga Hananeli kala le maphisweni ya hosi. Jox. 15:32; 2 Tih. 14:13; Neh. 3:1, 6

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Zakaria 8:22

Ina, a matiko yo tala ni mifumo ya ntamu yi tata ku ta hlota Jehova wa tiyimpi lomu Jerusalema, ni ku khongela Jehova.

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Malaki 3:12

A matiko wontlhe ma ta mu wula ku mu katekile, hakuva mu tava tiko gi tsakisako, ku wula Jehova wa tiyimpi.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

2 Timote 3:1

Kanilezi tiva lezaku, a masikwini yo gumesa ku ta chikela a zikhati za zikarato. Juda 18

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16