Isaya 19:24 - Tshwa Bible

²⁴ A ka siku lego Israeli i tava wa wunharu zinwe na Gipite na Assiria, kasi ava xikatekiso xikari ka misava.

Isaya 19:24 Mawu Ofanana

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Isaya 19:23

A ka siku lego ku tava kona a gonzo go suka hi le Gipite, giya Assiria; a maAssiria ma tata le Gipite, ni maGipite ma tata le Assiria; zonake a maGipite ma ta khozela Jehova zinwe ni maAssiria.

Isaya 19:25

Jehova wa tiyimpi i ta va katekisa, aku: Gi katekile a Gipite, a tiko ga mina, na Assiria a ntiro wa mandla ya mina, na Israeli a tshomba ya mina.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 49:22

Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Isaya 65:22

Va nga ta akela ku kasi vanwani va tshama lomo, Va nga ta byalela ku kasi vanwani vaga mihanzu ya kona; Hakuva a masiku ya vanhu ma ta ringana ni masiku ya tisinya, Ni vahlawulilweko va mina va ta tsakela mitiro ya mandla yabye.

Isaya 65:8

Jehova i ngalo: Loku ku hi ni dosi lomu ka xitata xa mauva, ve ngalo: U nga xi tsemi, hakuva xa ha hi ni zikatekiso! Minawo nzi ta mahisa lezo hi kota ya malanza ya mina: Nzi nga ta lovisa vontlhe.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Ezekieli 34:26

Nzi ta va mahela makatekwa vona ni matshamu ma ranzelekeleko a xitsunga xa mina, nzi ta nisa a vula hi nguva ya yona; ku tana a tivula ta zikatekiso. Tis. 68:9; Isa. 44:3

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Va le Roma 15:27

Va tsakile ku maha lezo, kota lezi va nga ni nanzu ka vona. Hakuva loku a vamatiko va avelwe a makatekwa yabye ya ka moya, va yimelwe hi ku va tirela hi kufuma kabye ka misava. 1 Kor. 9:11; Gal. 6:6

Va le Galatia 3:14

lezaku a xikatekiso xa Abrahama xi fela kuta ka vamatiko ha Jesu Kristu; lezaku hi amukela a xitsumbiso xa Moya hi kukholwa. Isa. 32:15; 44:3; Ezek. 36:27; Joeli 2:28; Rom. 4:9

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2