Isaya 19:21 - Tshwa Bible

²¹ Na Jehova i ta tibyiwa le Gipite, a maGipite ma ta tiva Jehova a ka siku lego; va ta khozela hi miphahlelo ni minyikelo ya zakuga; ina, va ta funga zifungo ka Jehova, va zi tatisa.

Isaya 19:21 Mawu Ofanana

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

Tisimu 61:8

Zonake nzi ta dumisa a vito ga wena kala kupinzuka, Kasi nza tatisa a zifungo za mina siku ni siku.

Tisimu 67:2

Kasi a ndlela ya wena ya tibyiwa laha misaveni, Ni kuhanyisa ka wena xikari ka matiko wontihe. Isa. 60:3; Lu. 2:30

Tisimu 68:31

A tihosana ti tata hi le Gipite, Lokuloku Etiopia i ta tshambuluta a mandla yakwe ka Nungungulu. Isa. 18:7; Miti. 8:26

Tisimu 68:32

Yimbelelani ka Nungungulu, nwina mifumo ya misava, Yimbelelani mu dumisa Hosi, (Sela.)

Mutshawuteli 5:4

Loku u maha xifungo ka Nungungulu, u nga hlweli ku xi tatisa, hakuva yena cima a nga tsakiswi hi zipumbu; tatisa xifungo xa wena. Mitse. 30:3; Deut. 23:21; Tis. 76:11

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Isaya 45:14

Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 49:7

Jehova a Mutiruli ni Loyi a Basileko wa ka Israeli, E ngalo ka loyi a vanhu va mu kanyisako, loyi tiko gi mu nyenyako, A nanza ga vafumeli: Tihosi ti ta zi wona ti yima, Ni tihosana ti ta khizamela Jehova loyi a tsumbekako, Ni Loyi a Basileko wa ka Israeli, loyi a ku hlawulileko.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Isaya 66:23

Zonake a kuhumeni ka hweti yinwe ni yinwani, ni ka sabado ginwe ni ginwani, a nyama yontlhe yi tata ku ta nzi khozela, ku wula Jehova.

Jona 1:16

A vavanuna lavo va lo mu chava nguvu Jehova, va mu mahela miphahlo ni zifungo.

Habakuka 2:14

Hakuva a misava yi ta tala hi ku tiva a wukulu ga Jehova, kota lezi a kueta ka bimbi ku fenengetwako hi mati.

Zefania 3:10

A vakhozeli va mina, va nga vanhu ya mina va hangalakileko, va tata hi le tlhatukweni wa micongo ya Etiopia, va nzi nehela zinyikiwo.

Malaki 1:11

Hakuva a vito ga mina ga hombe xikari ka vamatiko kusukela kutsuwukeni ka gambo kala kupeleni ka gona: matshanwini wontlhe ku hiswa a libani vitweni ga mina, zinwe ni minyikelo yi basileko; hakuva a vito ga mina ga hombe xikari ka vamatiko, ku wula Jehova wa tiyimpi.

Johani 17:3

A wutomi ga pinzukelwa hi kuva va ku tiva, wena Nungungulu wece wa zinene, na Jesu Kristu loyi u mu rumileko. Isa. 53:11; Jer. 9:24; 1 Kor. 8:4; Xip. 3:34; 7:29

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Samueli 17:46

Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.