Isaya 19:19 - Tshwa Bible

¹⁹ A ka xikhati lexo ku tava kona a ganzelo ga Jehova lomu xikari ka Gipite, ni le mbhinganweni ku ta yimiswa a mhinga leʼyi ta nga basiselwa Jehova.

Isaya 19:19 Mawu Ofanana

Genesisi 12:7

Jehova i lo woneka ka Abrama, aku ngalo; Nzi ta nyika ka pswalo wa wena legi tiko. Zonake i lo aka a alati ga Jehova, loyi a nga woneka ka yena laho. Neh. 9:8; Miti. 7:5; Gal. 3:16

Genesisi 28:18

Jakobe i lo vuka ni mixo, i lo teka a ribye legi a nga wa khigela ka gona, i lo gi yimisa gi maha mhanze, a chela mafura hehla ka gona.

Tisimu 68:31

A tihosana ti tata hi le Gipite, Lokuloku Etiopia i ta tshambuluta a mandla yakwe ka Nungungulu. Isa. 18:7; Miti. 8:26

Eksodusi 24:4

Mosi i lo tsala timhaka tontlhe ta Jehova, zonake i lo vinzuka ni mixo a aka a alati lahasi ka xitsunga, a yimisa a 12 wa timhinga ta maribye, a ku ringanisa a 12 wa tixaka ta ka Israeli.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Isaya 66:23

Zonake a kuhumeni ka hweti yinwe ni yinwani, ni ka sabado ginwe ni ginwani, a nyama yontlhe yi tata ku ta nzi khozela, ku wula Jehova.

Jeremia 46:2

Xungetano ni Gipite, hi yimpi ya Faro-Neko a hosi ya Gipite, leyi yi nga hi kusuhani ni congo wa Eufrate le Karkemixe, leyi Nebukadrezzare a hosi ya le Babuloni a nga yi hlula hi lembe ga wumune ga kufuma ka Jehoiakimu a nʼwana Josia, hosi ya ka Juda. 2 Tih. 24:7; Isa. 19:1; Ezek. 29:2

Ezekieli 29:1

Hi lembe ga wukhume, hi hweti ya wukhume, hi siku ga wukhume ni mambiri, a gezu ga Jehova gi lota ka mina, giku:

Ezekieli 30:1

A gezu ga Jehova gi lota ka mina kambe, giku:

Ezekieli 31:1

Hi lembe ga wukhume ni ginwe, hi hweti ya wunharu, hi siku go sangula ha hweti, a gezu ga Jehova gi lota ka mina, giku:

Ezekieli 32:1

Hi lembe ga wukhume ni mambiri, hi hweti ga wukhume ni timbiri, hi siku go sangula ga hweti, a gezu ga Jehova gi lota ka mina, giku:

Zakaria 6:15

Lava va nga le kule va tata va ta aka a tempeli ya Jehova; zonake nwina mu ta zi tiva lezaku nzi rumilwe ka nwina hi Jehova wa tiyimpi. Lezi zi ta maheka loku hakunene mu ingisa a gezu ga Jehova a Nungungulu wa nwina.

Maheberu 13:10

Hina hi na ni alati, laha va nga faneliko a ku gela kona lava va khozelako tabernakeli. 1 Kor. 9:13; 10:15

Joxua 22:10

Ni laha va nga wa chikele mbhirini ya Jordani, a mbhinganweni wa tiko ga Kanani, a vanana va ka Rubeni, ni vanana va ka Gadi, ni khihlanya ga lixaka la ka Manasa va lo aka a alati laha mbhirini ya Jordani, a alati ga hombe go woneka kule.

Joxua 22:26

Hikwalahoke hi te ngalo: A hi akeni alati, na gi nga hi alati ga munyikelo wa kuhiswa ni miphahlo;

Joxua 22:27

kanilezi gi tava ga wukustumunyu xikari ka hina na nwina, ni le zizukulwaneni za hina anzhako ka hina, kasi hi khozela Jehova mahlweni kakwe hi minyikelo ya hina ya kuhiswa, ni miphahlo ya hina, ni miphahlo ya hina ya kubonga, kasi a vanana va nwina va nga wuli ka vanana va hina ginwani siku, vaku: A mu na xiavelo ka Jehova: Gen. 31:48

Joxua 22:28

Zi nga lezo hina hi ngaku: Loku ginwani siku va wula lezo ka hina kutani ka zizukulwana za hina, hi taku ka vona: Langutani xipimanyiso xa alati ga Jehova lexi vararu va hina va xi mahileko, xi nga hi xa munyikelo wa kuhiswa ni xa miphahlo, kanilezi xa wukustumunyu xikari ka hina na nwina.

Joxua 22:34

Ni vanana va ka Rubeni ni vanana va ka Gadi va lo chula alati a vito gaku Edi; hakuva va te ngalo: Gona gi ta kuva kustumunyu xikari ka hina lezaku Jehova i Nungungulu.