Isaya 18:3 - Tshwa Bible

³ Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 18:3 Mawu Ofanana

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 11:12

A matiko yi ta ma yimisela a nghapa, Yi tsombanyisa lava va hlongolweko va ka Israeli, Ni ku tlhanganyisa lava va hangalakileko va ka Juda, Va suka matlhelweni ya mune ya misava. Deut. 30:4; Joh. 10:16

Isaya 13:2

Yimisani a nghapa hehla ka xitsunga xa libalala, Kanyulukani, va khweneteni hi canja, Kasi va fela ku enghena hi tinyangwa ta vahombe.

Isaya 13:4

A guwa ga zwala zitsungeni khwatsi xidlemo xa hombe; A guwa ga pfilupfilu ya matiko ma tsombeneko; Hi Jehova wa tiyimpi a hlomisako mabutho ya kulwa.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 49:22

Hosi Jehova i ngalo: Nzi ta tlakusa a canja ga mina ka vamatiko, Nzi yimisa a nghapa ya mina xikari ka mifumo; Zonake va ta neha varisanyana va wena mawokweni yabye, Ni vanhwana va wena va ta va rwala makatleni.

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Isaya 7:18

A ka xikhati lexo Jehova i ta bela noti a tinhongani ti nga magumo ka micongo ya Gipite, ni tinyoxi ti nga tikweni ga Assiria.

Jeremia 22:29

O tiko, tiko, tiko! ingisa a mhaka ya Jehova!

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Mika 6:2

Nwina zitsunga, zwanani a keco ya Jehova, na nwina ziseketelo zi tiyileko za misava; hakuva Jehova i na ni mhaka ni vanhu vakwe, i ta ranisa Israeli.

Mika 6:9

A gezu ga Jehova gi huwelela mutini, loyi a tlharihileko i ta chava a vito ga wena! Zwanani hi nhonga ni loyi a yi leleteleko.

Zakaria 9:14

Jehova i ta woneka hehla kabye, a ligalala lakwe li ta phandiwa li ku khwatsi xingwalangwanza. Hosi Jehova i taba a mpunzu, a famba hi xipupuri xa Dzonga.

Mateu 13:16

Kanilezi ma katekile a mahlo ya nwina, hakuva ma wona; ni tindleve ta nwina, hakuva tazwa.

Mateu 13:9

Loyi a nga ni tindleve, ngha a ingisa.