Isaya 17:10 - Tshwa Bible

¹⁰ Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Isaya 17:10 Mawu Ofanana

1 Kronekele 16:35

Wulani muku: Nungungulu, muhanyisi wa hina, hi hlangute! Hi tsombanyise, u hi tlhatlhisa xikari ka vamatiko, Kasi ha fela ku bonga a vito ga wena go basa, Hi bhuma hi wudumo ga wena.

Tisimu 106:13

Va lo hatlisa va rivala mitiro yakwe, A va rinzelangi a makungo yakwe.

Tisimu 106:21

Va lo rivala Nungungulu, Muhanyisi wabye, Loyi a nga maha zilo za hombe le Gipite;

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 31:2

Releta a ndleve ya wena ka mina, hatlisa u nzi ponisa; Ngha uve ribye ga wuchavelo ga mina, Ni khokhola go nzi hanyisa.

Tisimu 65:5

U hi hlamula a kululameni hi mitiro yi rewukisako, Nungungulu wa kuhanyiswa ka hina; Wena loyi u nga kutsumba ka kontlhe kugumelwa ka misava, Ni ka bimbi legi gi nga kule. 2 Sam. 7:23

Tisimu 79:9

Hi vune, Nungungulu wa kuhanyiswa ka hina, Hi kota ya wudumo ga vito ga wena; Hi ponise, u hi rivalela a zionho za hina Hi kota ya vito ga wena.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Tisimu 9:17

A vakubiha va ta tlhelela Xeole, Vontlhe a vamatiko va rivalako Nungungulu,

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 17:9

A ka siku lego a makhokhola yabye ma ta fanana ni marumbi ma nga lomu khwatini, ni lomu hehla ka zitsunga, lawa ma tsikilweko laha a vana va Israeli va nga enghena, ku tava xiwula.

Isaya 18:5

Hakuva a mahlweni ka kutshovela, Loku a ziluva zi tlhatlhekile, Ni rari ga mauva na gi kari gi buva, I ta tsema mahluke hi mukwana, A susa ni zimilwa za kona.

Isaya 25:4

Hakuva wena u wuchavelo ga zisiwana, U khokhola ga lava va vumalako kuxanisekeni kabye; U wuponelo hi siku ga bhubhutsa, ni nzhuti laha munwini, Laha a moya wa laʼvo tshisa wu khwatsi xipupuri xi bhubhutselako khurisi.

Isaya 26:4

Tsumbani Jehova kala ku pinzuka, Hakuva Jehova Jehova i ribye ga pinzukelwa. Deut. 32:4; Tis. 18:2

Isaya 30:29

Nwina mu ta yimbelela lisimu lo fanana ni leli li yimbelelwako ni wusiku mubuzweni wa kubasa; A timbilu ta nwina ti ta tsaka khwatsi hi ta lava va bako maxava loku vaya xitsungeni xa Jehova, A Ribyeni ga Israeli.

Isaya 33:2

Jehova, ngha u hi ni wuxinji ka hina! Hi ku langutele. Ngha uva muvuni wa hina ka siku ginwe ni ginwani; Ni muhanyisi wa hina zikhatini za zikarato.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 51:13

U rivalako Jehova a Mumahi wa wena, Loyi a andleleko matilo ni ku aka a ziseketelo za misava; U simamisa ku chava wontihe masiku hi kota ya zanga ya muxanisi Loku a xuva ku lovisa ke? Yi gumela kwihi a zanga ya mulovisi ke?

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15

Jeremia 12:13

Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Jeremia 3:21

Lomu migangeni ku zwakala a gezu ga zirilo ni kutsikwila ka vana va ka Israeli; Hakuva vona va bihisile tindlela tabye, Va rivele Jehova, a Nungungulu wabye.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 8:14

Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Joeli 1:17

A timbewu ta bola lahasi ka marukwani, a tshala a gi na nchumu, ni zigurumbu zi wile, hakuva a ku na mavele.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Levi 26:20

Mu ta xakela mahala a ntamu wa nwina, hakuva a misava ya nwina yi nga ta humesa a pfuno wa yona, ni tisinya ta lomu tikweni ti nga ta pswala mihanzu ya tona.

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Habakuka 3:18

Hambu zi hi tano, nzi ta tsakela Jehova, Nzi tsakela a Nungungulu wa kuhanyiswa ka mina.

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Deuteronome 28:30

Wena u ta wuta wasati, kanilezi munwani i ta etlela naye; wena u ta aka yindlu, kanilezi u nga ta tshama ka yona; u ta byala xivina, kanilezi u nga taga mihanzu ya xona.

Deuteronome 32:15

Jexuruni a su kulukelana, a radlavanya. A kuluka, a zimuka, a tala hi mafura. Kanilezi a tsika Nungungulu loyi a mu wumbileko, A nyenya a ribye ga kuhanyiswa kakwe.

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.

Deuteronome 32:31

Hakuva a ribye ga vanwani a gi koti a Ribye ga hina, Valala va hina va vumela mhaka leyi.

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 6:12

chela kota lezaku u nga rivali Jehova loyi a ku humesileko tikweni ga le Gipite, lomu ndlwini ya wukhumbi.

Deuteronome 8:11

Ti wonele ku nga taku u rivala Jehova Nungungulu wa wena, u tsika ku hlayisa milayo yakwe ni timhaka takwe ni zileletelo zakwe, lezi nzi ku leletelako nyamutlha.

Deuteronome 8:14

a mbilu ya wena yi nga ti kukumukisi, u rivala Jehova Nungungulu wa wena, loyi a ku humesileko tikweni ga le Gipite, lomu ndlwini ya wukhumbi,

Deuteronome 8:19

Ku taku laha u ta nga rivala Jehova Nungungulu wa wena, u lanzela vanwani vanungungulu u va tirela, ni ku khizama mahlweni ka vona, nza tiyisa hakunene mahlweni ka nwina inyamutlha lezaku mu ta lova futsi.