Isaya 16:6 - Tshwa Bible

⁶ Hi zwile hi matshanza ya Moabi, lezaku i na ni matshanza nguvu; A kutikulisa kakwe, ni xikaha xakwe, ni zanga: A kutikukumuxa kakwe ka mahala.

Isaya 16:6 Mawu Ofanana

Mavingu 21:24

Mutseketseli hi vito ga munhu wa matshanza, a ti kukumukisako, oyi a mahako zilo hi zanga ya matshanza.

Isaya 15:1

Hi wusiku legi Are wa le Moabi a nga hahlulwa ha gona, ku su cuwe! Hi wusiku Kira wa le Moabi a nga hahlulwa ha gona, ku la su cuwe!

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 25:11

I ta nawuluta mawoko yakwe xikari ka yona, Ku fanana ni xihlambeli loku xi kari xi hlambela; A kutikulisa kakwe ku ta tsongahatiwa, Zinwe ni wutlhari ga mandla yakwe.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 28:18

A xivumelwano xa nwina ni kufa xi ta vinyetelwa, Ni kuzwanana ka nwina ni Xeoli ku nga ta yima; Loku wuta a ntalo wa tsayiselelo nwina mu ta kanzihelwa.

Isaya 44:25

Nza tsetsula a mawunwa ya vahembi, Nzi maha vavumbi va hunguka. A titlhari nza ti tlhelisa nzhako, Nzi hunzula wutlhari gabye giva wupumbu;

Jeremia 48:14

Mu wutisa kuyini muku: Hina hi tinhenha, Hi tinghwazi ta yimpi?

Jeremia 48:26

Mu popiseni, hakuva i ti kulisile mahlweni ka Jehova. Moabi i ta puluwunza mahlateni yakwe, A maha xihlekiso na yenawu.

Jeremia 48:42

Moabi i ta lobyiswa, a nga havi tiko, hakuva i ti kulisile mahlweni ka Jehova.

Jeremia 50:36

A supado a yive hehla ka lava va profetako mawunwa, va ta hunguka. A supado a yive hehla ka tinhenha takwe, kasi va tsemeka-hlana.

Amosi 2:1

Jehova i ngalo: Hi kota ya zionho zinharu za Moabi, kutani mune wa zona, nzi nga ta susa a xitsayiso, hakuva i hisile a marambu ya hosi ya le Edome ma kala ma maha mhemba.

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.