Isaya 16:12 - Tshwa Bible

¹² Hambu lezo Moabi a ti karatako wutshanwini gi tlakukileko, A enghena tempeleni yakwe ku ya kombela, Cima a nga ta kuma nchumu.

Isaya 16:12 Mawu Ofanana

1 Tihosi 11:7

Zonake Solomoni i lo aka a ganzelo ga Kemoxe, a manyala ya maMoabi, ni ginwe ga Moloki, a manyala ya vanana va ka Amoni, le wutshanwini gi tlakukileko le xitsungeni lexi xi cuwukeneko ni Jerusalema. Mitse. 21:29

1 Tihosi 18:29

Va lo simama va maha lezo kala ku hunza hlikanhi ku ya chikela xikhatini xa muphahlelo wa gambo; kanilezi cima a va zwangi gezu, ne ni ku kuma hlamulo, hambu ku wona nchumu. Ekso. 29:39; Mitse. 28:3

2 Tihosi 19:12

Xana a matiko lawa ma lovisilweko hi vararu va mina ma ponisilwe hi vanungungulu va wona ke? Gozani, na Harani, na Rezefa, ni vanana va ka Edeni lava va nga le Telasara, va ponile ke?

2 Tihosi 3:27

Zonake yi lo teka a nʼwana wa yona wa matiwula, loyi a nga ta ngha a fuma wutshanwini gakwe, a mu nyikela a maha muphahlelo wa kuhiswa le hehla ka khurisi. Ku lo vutsuka a zanga ya hombe yi vukela Israeli. Va lo tsika a hosi ya vaMoabi, va suka va tlhelela tikweni gabye.

Mavingu 1:28

Zonake va ta vitana ka mina, kanilezi cima nzi nga ta hlamula; a ta nzi lava, kanilezi va nga ta nzi kuma. Jer. 11:11; Ezek. 8:18; Mik. 3:4

Isaya 15:2

Va le Bayite ni va le Diboni va kanzihile va ya rila zitsungeni zi tlakukileko; Moabi i kwanguluka hehla ka Nebo na Medeba; A tihloko tabye tontlhe ti halulwe, ni zilevu zi tsenwilwe.

Isaya 16:13

Leyi hi mhaka yi nga sina yi wulilwe hi Jehova xungetano na Moabi,

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Isaya 37:38

A xikhati xo kari laha a nga wa khozela lomu ndlwini ya nungungulu wakwe Nisroko, a vana vakwe Adrammeleki na Xareza va lo mu daya hi supado, va tsutsumela tikweni ga Ararate. A nwana wakwe Esar-haddoni i lo fuma wutshanwini gakwe.

Isaya 47:13

U ti karatile hi kuya tinʼangeni tinyingi, Lava va pimako hi matilo, ni laʼva cuwukako tinyeleti, Ni lava va vumbako xikhatini xa hweti yiswa, A va ku ponise ka lezi zi ta nga humelela ka wena.

Jeremia 10:5

A zifananiso zi kotisa a mhanze sinwini ga maranga, Zi yima kona kanilezi a zi wula wuli; Zona zi lava ku pakatsiwa, hakuva a zi zi koti ku famba. Mu nga zi chavi, hakuva a zi tivi ku maha kubiha, Hambu a kuva ni ntamu wo maha zinene.

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Jeremia 48:35

Tlhatakumbiri, ku wula Jehova, Lomu Moabi nzi ta lovisa ni wihi a phahlelako matshanwini ma tlakukileko, Ni loyi a hiseleko vanungungulu vakwe a tibani.

Jeremia 48:46

Khombo ka wena Moabi! A tiko ga Kemoxe gi lovile; Hakuva a vafana ni vanhanyana va wena va yisilwe kukhonweni.

Jeremia 48:7

Hakuva kota lezi u tsumbako a mitiro ya wena, Ni titshomba ta wena, wenawu u ta hluliwa. Kemoxe i taya wukhumbini Zinwe ni vapristi vakwe ni tihosana takwe. Mitse. 21:29; 1 Tih. 11:7

Mitsengo 21:28

Hakuva a nzilo wu humile le Hexboni, Ni hlavingo wu humile hi le mutini wa Sihoni; Wu lovisile Are wa le Moabi Ni tihosi ti akileko zitsungeni za Arnoni.

Mitsengo 22:39

Zonake Balaami i lo famba na Balake, vata le Kiriat-Kutsote.

Mitsengo 22:41

Ni mixo Balake i lo ya teka Balaami, a mu kanzihisa le Bamoti-Baali, kasi a wona magumo ya wugovelo ga va ka Israeli na hi kwaleyo.

Mitsengo 23:14

I lo mu yisa masinwini ya le Zofima, le hehla ka Pisga, laho i lo aka a 7 wa maalati, a tlhava a nkuzi ni hamba hehla ka alati ginwe ni ginwani.

Mitsengo 23:28

Balake i lo yisa Balaami le hehla ka Peora, ngomama ni xiwula.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45