Isaya 16:11 - Tshwa Bible

¹¹ Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Isaya 16:11 Mawu Ofanana

Isaya 15:5

A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

Isaya 21:3

Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 48:31

Hikwalaho nzi ta mu rilela Moabi, Nzi rilela tiko gontlhe ga Moabi. Ku ta rilelwa a vanhu vontlhe va le Kir-heresi.

Jeremia 48:36

Hikwalaho a mbilu ya mina ya vuma kota nanga hi kota ya Moabi, ni vanhu va le Kir-heresi. Hakuva lezi va nga zi hlengeletele zi lahlekile.

Mikosi 1:20

Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Va le Filipi 2:1

Hikwalaho loku ku hi kona a kutangaliswa ka Kristu, loku ku hi kona a kuchavelelwa ka liranzo, loku ku hi kona a kutlhangana ka Moya, loku ku hi kona wuxinji ni ku zwela wusiwana. 2 Kor. 13:14