Isaya 15:5 - Tshwa Bible

⁵ A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

Isaya 15:5 Mawu Ofanana

Genesisi 13:10

Loti i lo tlakusa a mahlo yakwe, i lo wona a mikova yontlhe ya Jordani, hakuva yi wa hi ni mati yontlhe (Jehova i wa nga se lovisa Sodoma ni Gomora), na yona yi wa ku khwatsi i simu ga Jehova kotisa a tiko ga le Gipite, kala ku chikela Zoare.

Genesisi 14:2

va lolwa na Bera a hosi ya le Sodoma, na Birxa a hosi ya le Gomora, na Xinabi a hosi ya le Adma, na Xemebere a hosi ya le Zeboime, na yona a hosi ya le Bela, va nge hi Zoare.

Genesisi 19:22

Hatlisa u chavela ka wona, hakuva nzi nga ta maha nchumu na u nga se chikela kona. Hikwalaho a vito ga muti gi lo vitanwa ku Zoare.

2 Samueli 15:23

A tiko gontlhe gi lo rila hi gezu ga hombe, ni vontlhe vanhu va nga wa hunza. Na yonawu hosi yi lo tlhatuka a xicongwana xa Kidroni, ni vontlhe vanhu va lo tlhatuka va famba hi ndlela yi cuwukako xiwuleni. Joh. 13:1

2 Samueli 15:30

Davida i lo kanziha xitsunga xa maOliva na a kari a rila, na fenengetile a hloko yakwe, na a nga ambalangi zilato; ni vanhu vontlhe lava a nga hi navo va lo fenengeta tihloko tabye va rila, na va kari va kanziha. Estere 6:12; Jer. 14:3

Isaya 16:14

Kanilezi makunu Jehova i wulile aku: Ku ta hunza malembe manharu ma fananako ni malembe ya xitiri, zonake a wukulu ga Moabi ni xidlemo xakwe xa hombe zi ta tsongahatiwa; ni misalela ya kona yi tava yitsongwani, yi nga ha khatalwi.

Isaya 22:5

Hakuva i siku ga hlomulo, a siku ga ku kanzihelelwa ni pfilupfilu, Legi gi rumelweko hi Hosi Jehova wa tiyimpi le nkoveni wa miwoniso; A ligingisi li khungumulwa, a nkosi wu ya chikela le xitsungeni.

Isaya 59:7

A mikonzo yabye yi tsutsumela kubiheni, Yi hatlisela ku ya halata a nkhata wu nga hiko na nanzu; A maalakanyo yabye maalakanyo ya kubiha, A kuhahlula ni kulovisa zi lomu tindleleni tabye.

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 17:16

Mina a nzi alangi a kuva murisi loyi a te ku dota hi lenzhako, A nzi navelangi a siku ga khombo; wena wa zi tiva. Lezi zi humeleko milonwini ya mina zi wa wulilwe mahlweni ka wena.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 4:20

Ka biwa hungu hi lobyiselelo hehla ka lobyiselelo, Hakuva tiko gontlhe gi hahlulwe. A matenda ya mina ma khungumulwa hi xitshuketi, Ni mixaxa ya mina hi xikhatanyana.

Jeremia 48:3

A tihuwa ti zwakala le Horona-ime, Kuhahlulwa ni kulobyiswa ka hombe.

Jeremia 48:5

Va kanziha Luhite na va kari va rila, Ni laha nzhelelweni wa Horona-ime ka zwala kurila hi kota ya kuhahlulwa.

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Mitsengo 21:29

I khombo ka wena Moabi! Mu file, vanhu va Kemoxe! Va nyikele vana vabye kutsutsumeni, Ni vanhanyana vabye va maha tikhumbi, Ka Sihoni a hosi ya maAmori.