Isaya 15:3 - Tshwa Bible

³ Lomu maphangweni yabye va ambele tisakwa, va rila; Le hehla ka tiyindlu tabye ni lomu tihubyeni va hlomula ni ku tsikwila.

Isaya 15:3 Mawu Ofanana

2 Samueli 3:31

Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.

2 Tihosi 6:30

Laha a hosi yi ngazwa timhaka leto ta wasati, yi lo hanzula a tinguwo ta yona. Na a hunza hi le hehla ka ligingisi, a vanhu va lo mu wona lezaku i wa ambele a tinguwo ta tisakwa a ti maha zirangiso.

Isaya 15:2

Va le Bayite ni va le Diboni va kanzihile va ya rila zitsungeni zi tlakukileko; Moabi i kwanguluka hehla ka Nebo na Medeba; A tihloko tabye tontlhe ti halulwe, ni zilevu zi tsenwilwe.

Isaya 22:1

Zi lo yiniyini makunu, lezi a vanhu va wena vontlhe va kanzihako hehla ka tiyindlu?

Isaya 22:4

Hikwalaho nzi nge ngalo: Mu nga nzi cuwuki, kasi nza tsikwila, Mu nga ti karati mu nzi chavelela hi kota ya kulobyiswa ka nhwana wa tiko ga mina.

Isaya 3:24

A wutshanwini ga mipepo yo nuhela ku tava kona kubola, a wutshanwini ga bhandi ku tava kona a gota; a wutshanwini ga misisi yi xamulweko khwatsi ku tava kona a tipandla; a wutshanwini ga nguwo ya mubuzo ku ta ambaliwa tisakwa; a wutshanwini ga wumbhuri ku tava kona a mapswhapswhati ya ku hiswa hi xiketse.

Jeremia 19:13

A tiyindlu ta Jerusalema, ni tiyindlu ta tihosi ta ka Juda, ti tava ni chaka kota a wutshamu ga Tofete, ti nga tiyindlu tontlhe leti ku hisilweko langweni ya tona a libani ka butho gontlhe ga tilo, laho va nyikeleko a minyikelo ya zakunwa ka vanwani vanungungulu.

Jeremia 48:37

Hakuva a tihloko tontlhe ti halulwe, ni malevu wontihe ma cingilwe; a mawoko wontihe ma cekelelwe, na va ambele tisakwa ziwunwini.

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Ezekieli 7:18

Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Mateu 11:21

Khombo a give ka wena Korazini! Khombo a give ka wena Betsaida! Hakuva a zirewukiso lezi zi mahilweko ka wena, loku zi wa mahilwe le Tire ni Sidoni, ngha va hunzulukile a kale na va ambele tisakwa va tola khuma. Jona 3:7, 8

Deuteronome 22:8

Loku u aka yindlu ya yiswa u ta yi bhiyela langwa la kona, kasi u nga ti vekeli a nkhata lomu ndlwini ya wena, loku afa munhu hi kuwa lahasi.

Jakobe 5:1

Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9

1 Samueli 5:12

A vanhu lava va nga kala va nga sefa, va wa xaniswa hi zidlayi, ni nkosi wa muti wu lo tlakukela tilweni.