Isaya 14:12 - Tshwa Bible

¹² U wisile kuyini hi le tilweni, wena mahlahle wa mixo, U wisisilwe kuyini lahasi, wena loyi u wisileko matiko.

Isaya 14:12 Mawu Ofanana

Isaya 13:10

Hakuva a tinyeleti ta tilo ni mitlhambi ya tona, Zi nga ha ta woningela; A gambo gi ta pfupeliswa kuhumeni ka gona, Ni nweti wu nga ha tava kona. Mat. 24:9; Lu. 21:25; Kuv. 6:12

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Jeremia 50:23

A hamela leyi yi ngaba tiko gontlhe yi tshovekisile kuyini! Babuloni i hahlulisilwe kuyini xikari ka matiko!

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.

Mikosi 2:1

Hosi yi khubhunyetisile kuyini a nhanyana wa Zioni hi refuga zanga ya yona! A wudzunzo ga Israeli yi gi reletile hi le hehla, a gi wisa misaveni, A sikwini ga zanga yakwe a nga hlayisangi a xikhegetelo xa mikonzo yakwe. 1 Kro. 28:2; Tis. 132:7

Ezekieli 26:17

Ti ta ku tlhavela nkosi, tiku: U lovisile kuyini, wena loyi u nga akilwe hi vanhu va le bimbini, Wena muti wu dumileko, lowu wu nga hi wa ntamu le bimbini, Wena ni vaaki va wena vontlhe va nga chabyiwa hi lava va fambako hi bimbi?

Obadia 1:4

Hambu loku u nga aka xisaka xa wena le hehla ku fanana ni gama, hambu loku u xi veka xikari ka tinyeleti, kwaleyo nzi ta ku susa nzi ku wisa lahasi, ku wula Jehova.

Luka 10:18

Yena aku ngalo kabye: Nzi lo wona Satani na a wile hi le tilweni kota xingwalangwanza. Joh. 12:31; 16:11; Kuv. 9:1

2 Pedro 1:19

Makunu ku tiyisilwe nguvu, ka hina a mhaka ya kuprofeta; mu maha khwatsi loku mu yi khatalela, khwatsi hi kandiya leyi yi woningako wutshanwini ga munyama gi kala gica, ni mahlahla a huma timbilwini ta nwina. Tis. 119:105; Joh. 5:35; Kuv. 22:18

2 Pedro 2:4

Hakuva Nungungulu a nga tsetselelangi a tingelosi leti ti nga onha, kanilezi i lo ti hoxa Gehena, a ti valela marinzini ya munyama, a kuva ti gongiwa kala kulamulweni. Joba 4:18; Lu. 8:31; Joh. 8:44

Kuvululelwa 2:28

Nzi ta mu nyika Mahlahle wa mixo. Xip. 22:16

Kuvululelwa 22:16

Mina Jesu nzi rumile a ngelosi ya mina a kuba hungu mabandleni hi timhaka leti. Nzi mutsu ni hluke ga Davida, nzi mahlahle a ngangamelako wa mixo. Xip. 1:1; 5:5

Kuvululelwa 8:10

Ni ngelosi ya wunharu yi loba mpunzu wa yona, ku lowa a nyeleti ya hombe hi le tilweni, yi vura kota xihlahle, yi wela ka xipanze xa wunharu xa micongo, ni lomu tihlobyeni ta mati. Isa. 14:12; Xip. 9:1; 16:4

Kuvululelwa 9:1

A ngelosi ya wuntlhanu yi loba mpunzu wa yona, zonake nzi lo wona a nyeleti ya le tilweni na yi wile misaveni; yi lo nyikiwa a pfhungulo ya nkele wa lieswila. Lu. 8:31; 10:18; Xip. 8:10; 17:8