Isaya 13:8 - Tshwa Bible

⁸ Va chava, va khomiwa hi hlenekera ni kuxaniseka, Va tava kubayisekeni kukotisa a wasati loku a lunwa. Va cuwukana hi ku hlamala, a tinghohe tabye tiku khwatsi i nzilo.

Isaya 13:8 Mawu Ofanana

2 Tihosi 19:26

Hikwalaho a vaaki va yona va lo vumala ntamu, va xeveka, va ku khwatsi i byanyi ga khwati, ni lihunga, va ku khwatsi i byanyi ga le xixungweni xa yindlu, ni mavele ma swileko na ma nga se rumbuka.

Tisimu 48:7

Wena u panza a mataru ya le Tarxixi hi mheho ya Mutsuwuka-gambo. Isa. 33:23

Isaya 26:17

Khwatsi hi wasati loyi a nga ni rumbu, Loku a chikelelwe hi masiku ya kuhefemula kakwe, Izwa kubayisa, aba huwa kubayisekeni kakwe, Hinawu hi wa hi lezo, O Jehova.

Jeremia 13:21

U ta kuyini loku a veka hehla ka wena a maxaka ya wena u fumelwa hi wona? Hi wena u va gonzisileko a kuva venyi va wena. Xana zi nga ta bayisa ka wena kota wasati a lunwako ke?

Jeremia 30:6

Wutisani makunu, xana a wanuna a nga zi kota ku pswala ke? Hikuyini nzi wonako a vavanuna a munwe ni munwani a ti khomako xiwunu kota wasati a lunwako ke? Hikuyini a tinghohe tontlhe ti tshuvikileko ke?

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 46:5

Hikuyini nzi va wonako na va rurumela, va tlhelela nzhako? A tinhenha tabye ti hluliwa, Ti tsutsuma ti nga cuwuki nzhako; Matlhelo wontihe ku kona kuchava, ku wula Jehova.

Jeremia 48:41

Keriote i hlulilwe, a makhokhola ma enghenilwe, ni timbilu ta tinhenha ta Moabi hi siku lego ti ta fanana ni mbilu ya wasati loyi a lunwako.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 49:24

Damasku i rerekile, i ti longisela ku tsutsuma, wa rurumela; i khomilwe hi kubayiseka ni kuxaniseka kukotisa a wasati loyi a lunwako.

Jeremia 50:43

A hosi ya le Babuloni yi zwile hi wudumo gabye, hikwalaho a mawoko yakwe ma mbhela ntamu. Yi telwe hi hlenekera ni kubayisa ko kota wasati a lunwako.

Jeremia 51:30

A tinhenha ta Babuloni ti tsikile a kulwa, ti tshamile lomu makhokholeni ya tona; ti mbhelelwe hi ntamu, va tlhela vaku khwatsi mbavasati. A miti yakwe ya hisiwa hi nzilo, a zikwinyaro zakwe zi tshobyilwe.

Ezekieli 20:47

uku ka khwati ga le Dzongeni: Zwana a mhaka ya Jehova; Hosi Jehova i ngalo: Nzi ta dzivela nzilo ka wena, wu ta hisa a tisinya tontlhe to taakama lomo ka wena ni tontlhe ta ku woma. A nhova yi nga ta timiwa: tontlhe tinghohe ti taswa kusukela Dzongeni kala Nwalungu.

Hosea 13:13

A kubayiseka ka wasati a lunwako ku ta wela hehla kakwe. Yena i nʼwana loyi a nga xipumbu, hakuva a nga humi kubelekiweni hi xikhati xa kona. 2 Tih. 19:3; Isa. 37:3

Joeli 2:6

Hi ku va woneni kabye a matiko ma chava, a tinghohe tontlhe ti hunzuka ti kwalala.

Nahume 2:10

I phanga, a nga na nchumu, i hahlulwe. A timbilu ta nyeka, a madzolo ma dzudzumela, a tinyonga ta bayisa, a tinghohe ta vona vontlhe ti hunzukile. Isa. 13:7; Joeli 2:6

Johani 16:21

A wasati loku a ha lunwa wa xaniseka, hakuva xi chikele a xikhati xakwe; kanilezi loku a belekile a xinwanana, a nga ha ku alakanyi a kubayisa, hakuva wa tsaka hilezi ku belekilwe munhu misaveni. Isa. 26:17

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6