Isaya 13:4 - Tshwa Bible

⁴ A guwa ga zwala zitsungeni khwatsi xidlemo xa hombe; A guwa ga pfilupfilu ya matiko ma tsombeneko; Hi Jehova wa tiyimpi a hlomisako mabutho ya kulwa.

Isaya 13:4 Mawu Ofanana

Isaya 17:12

Yowe, a kudzuma ka matiko laʼmanyingi, Lawa ma mabako guwa khwatsi i guwa ga mabimbi. A kuvuma ka matiko, ma vumako khwatsi i guwa ga mati yo tala.

Isaya 48:14

Tsombanani nwina nwentlhe, mu ingisela: Himani xikari ka vona a vumbileko lezi, Lezaku loyi a ranziwako hi Jehova i ta maha kuranza kakwe hehla ka Babuloni, Ni woko gakwe gi talwa ni maKaldea?

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Jeremia 21:4

Jehova, a Nungungulu wa ka Israeli i ngalo: Langutani, nzi ta tlhelisela a matlhari lawa ma nga mandleni ya nwina, lawa mu lwako ha wona le handle ka tigingitsi mu vukela a hosi ya Babuloni ni maKaldea lava va mu vimbezeleko, nzi ta ma hlengeletela a mutini lowu.

Jeremia 25:14

Hakuva na vonawu va ta khoziswa hi matiko manyingi ni tihosi ta hombe; nzi ta va tlhelisela ku ringana ni zimaho zabye ni mitiro ya mandla yabye.

Joeli 2:25

Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.

Joeli 3:14

Hi nga zwani a zidlemo zi tsombanako nkoveni wa kulamula! hakuva a siku ga Jehova gi tshinele le nkoveni wa kulamula.

Kuvululelwa 18:8

Hikwalaho a zixaniso zakwe zi tata hi siku ginwe, a kufa, ni hlomulo, ni ndlala; yena i ta hiswa hi nzilo hakuva i na ni ntamu Hosi Nungungulu loyi a mu-lamulako. Isa. 47:9; Jer. 50:34