Isaya 13:20 - Tshwa Bible

²⁰ Cima gi nga ta ha vuxiwa kambe, Vanhu va nga ta ha aka kona zizukulwaneni zontlhe; Ge hambu a muArabia a nga ta gwimba a tenda gakwe lomo; Ni varisi va nga ta govela kona ni mitlhambi yabye.

Isaya 13:20 Mawu Ofanana

2 Kronekele 17:11

Ku wa hi ni manwani maFilistia ma nga wa luva ka Jehoxafate; hambu ni maArabia ma lo mu nehela mitlhambi ya 7,700 wa tihamba ni 7,700 wa timhongo.

Joba 3:7

A wusiku lego a give ngonwa, Ku nga zwali ni gezu ga litsako ka gona.

Xizimba xa ka Solomoni 1:7

Hi nga nzi byela, O wena xiranzwa xa mbilu ya mina, U risela kwihi, hi gihi a zumbo ga mitlhambi ya wena ni hlikanhi; Hakuva hikuyini nzi ta nga fanana ni wasati loyi a hambukako tlhelweni ga mitlhambi ya vanakuloni ke?

Isaya 14:23

Nzi ta gi maha a wuakelo ga tinungu ni mativana ya mati yo bola, nzi ta gi swiyela hi swiyelo wa kulobyiswa, ku wula Jehova wa tiyimpi.

Isaya 21:1

A xiprofeto xungetano ni xiwula xa bimbi. Khwatsi xipupuri xi hunzako le Dzongeni, Zinghaho wata hi le xiwuleni, a tikweni ga ku tshisa.

Isaya 25:2

Hakuva a muti u wu mahile a nhulu ya maribye; A muti wa makhokhola u wu ma hile marumbi; A wuakelo ga vamatiko a ga hi muti, Cima gi nga ta ha vuxiwa.

Isaya 34:17

Hakuva i zi hlahluvile, A canja gakwe gi zi avele a tiko, Gi gi pimile hi lingoti; Zi ta gi fumela kala kupinzuka, A xizukulwana ni xizukulwana xi ta tshama lomo.

Jeremia 49:33

Hazora gi tava wutshamu ga mahlolwa, giva xiwula kala kupinzuka. A ku na munhu a ta nga aka lomo, ge hambu a nʼwana wa munhu a ku luvela kona.

Jeremia 50:13

Hi kota ya zanga ya Jehova gi nga ta akiwa hi munhu, gi tava marumbi gontlhe. Ni wihi loyi a ta nga hunza hi le Babuloni, i ta rewuka, aba noti hi kota ya makhombo yakwe wontihe.

Jeremia 50:21

Kanziha uya tikweni ga Merata-ime, ulwa nago, u hlasela ni vaaki va le Pekode. Va daye, u va riza vaku bhi, ku Wula Jehova, u maha zontlhe lezi nzi ku leleteleko.

Jeremia 50:3

Hakuva hi le Nwalungu wata a mufumo lowu wu ta nga hahlula a tiko gakwe, laha kakuva ku ngavi na munhu wo tshama ka gona; a vanhu ni zifuyo zi sukile, zi tsutsumile.

Jeremia 50:39

Hikwalaho a mahlolwa ma ta tshama lomo zinwe ni zivanza za xiwula, ni timbuwu ti ta tshama lomo. Gi nga ta ha akiwa kambe kala kupinzuka, ku ta hunza zizukulwana ni zizukulwana na ku nga tshami munhu kona. Isa. 13:19; 34:14

Jeremia 50:45

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Babuloni. Futsi va ta rorovisela lava va tsongwani va thlambi; ni wugelo gabye gi ta onhiwa zinwe navo.

Jeremia 51:25

Languta, nza ku vukela wena xitsunga xi lovisako, ku wula Jehova, wena loyi u lovisako misava yontlhe. Nzi ta nawuluta a canja ga mina hehla ka wena, nzi ku wumbuluta le ribyeni uwa lahasi, nzi ku maha a xitsunga xi hisilweko,

Jeremia 51:29

A misava ya rurumela, yi le kubayisekeni; hakuva a makungo ya Jehova ya ku hahlula a tiko ga Babuloni, gi ngavi na vaaki, ma maheka.

Jeremia 51:37

Babuloni i tava tinhulu ta maribye, A wutshamu ga mahlolwa; Ava xirewukiso ni xihlekiso, A nga hi na muaki.

Jeremia 51:43

A miti yakwe yi mahilwe marumbi, A tiko ga xikhwakhwa ni xiwula; A tiko gi nga hiko na munhu, Hambu a nʼwana wa munhu a hunzako ha kona.