Isaya 13:13 - Tshwa Bible

¹³ Hikwalaho nzi ta tsekatsekisa a tilo, Ni misava yi ta suka wutshanwini ga yona, Hi zanga ya Jehova wa tiyimpi, sikwini lego ga khulo gakwe gi chavisekako.

Isaya 13:13 Mawu Ofanana

Joba 9:6

Loyi a tsekatsekisako misava wu tshanwini ga yona, Ni timhanze ta yona ti ninginizwa.

Tisimu 18:7

A misava yi lo tsekatseka yi rurumela; A ziseketelo za zitsunga zi lo ninginizwa, Zi jujiwa hakuva yena i wa zangarile.

Tisimu 88:16

A zanga ya wena yi chavisako yi nzi wele, A kuchavisa ka wena ku nzi lobyisile.

Isaya 2:19

A vanhu va ta tsutsumela timhakweni ta maribye, ni lomu minkeleni ya misava, hi ku chava Jehova ni kungangamela ka wukulu gakwe, laha a ta nga suka a chavisa misava.

Isaya 21:1

A xiprofeto xungetano ni xiwula xa bimbi. Khwatsi xipupuri xi hunzako le Dzongeni, Zinghaho wata hi le xiwuleni, a tikweni ga ku tshisa.

Isaya 23:11

I nawulutile a woko gakwe hehla ka bimbi, a tsekatsekisa mifumo, Jehova i nyikile zileletelo xungetano ni makhokhola ya Kanani, Lezaku ma khungumulwa.

Isaya 24:1

Langutani, Jehova wa maha misava yiva xiwula, wa yi hahlula; Wa hunzula xiyimo xa yona, a hangalasa vaaki va yona.

Isaya 24:18

Loyi a ta nga tsutsuma hi kota ya chawo, i ta wela rinzini; ni loyi a ta nga huma rinzini, i ta phasiswa hi ziyo. Hakuva a tinjhanela ta le hehla ti vululekile, ni ziseketelo za misava za tsekatseka. Gen. 7:11; Am. 5:19

Isaya 24:19

A misava yi panzekile, a misava yi avanyekile; misava ya tsekatsekiswa;

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Isaya 47:1

Chika, u tshama tshurini, Wena nhwana, nʼwana Babuloni! Tshama lahasi, a ku na xitshamu xa wuhosi, Wena nhwana wa maKaldea; Hakuva u nga ta ha vitanwa aku u nene niku u sasekile.

Isaya 51:6

Tlakusani a mahlo ya nwina le tilweni, Mu cuwuka ni laha misaveni; Hakuva a tilo gi ta nwalala khwatsi i musi, Ni misava yi ta hlakala khwatsi i nguwo; Ni lava va tshamako ka yona va tafa kota ziwunuwunwani; Kanilezi a kuhanyisa ka mina ku ta su tsoma kala kupinzuka, Ni kululama ka mina ku nga ta mbhela.

Isaya 9:19

Hi kota ya zanga ya Jehova wa tiyimpi a tiko gi swile; Ni vanhu ve khwatsi tihunyi nzilweni; A ku na munhu a tsetselelako nakulobye.

Jeremia 51:1

Jehova i ngalo: Nzi ta vuxela Babuloni ni vaaki va lomu Leb-kamai a mheho yi lovisako.

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10