Isaya 12:1 - Tshwa Bible

¹ A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Isaya 12:1 Mawu Ofanana

Nehemia 8:10

Zonake aku kabye: Ti fambeleni, mu yaga tinyama ti nonileko, munwa kunwa ko nanziha, mu rumela zakuga ka lava va nga ti longiselangiko nchumu, hakuva legi i siku gi basileko ka Hosi ya hina. Mu nga tsanwi, hakuva a litsako la Jehova i ntamu wa nwina.

Joba 11:16

Hakuva u ta rivala hlomulo wa wena, U ta wu alakanya kukotisa a mati ma hunzileko;

Joba 13:16

Lezi zi tava kuhanyisa ka mina; Hakuva a mukhohlisi a nga ta yima mahlweni kakwe.

Tisimu 30:5

Hakuva a zanga yakwe nja xikhatanyana ntsena, Kanilezi a thomo gakwe gi enela kuhanya kontlhe. A kurila ku ngava kona laha gambyeni, Kanilezi laha mixweni kuva kona litsako. Isa. 54:7; Joh. 16:20; 2 Kor. 4:17

Tisimu 71:21

U ta anzisa a wukulu ga mina, U tlhela u nzi tangalisa.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Tisimu 86:17

Nzi kombise a xikombiso xa thomo ga wena, Kasi lava va nzi vengako va ta xi wona vawa tingana, Hakuva wena Jehova, u lo nzi vuna, ni ku nzi chavelela.

Tisimu 9:1

Nzi ta bonga Jehova hi mbilu ya mina yontlhe; Nzi ta hlawutela a zirewukiso za wena zontlhe.

Isaya 10:25

Hakuva ku tava xikhatanyana a tsayiselelo yi ta hunza, ni zanga ya mina yi ta va lovisa.

Isaya 10:4

Mu ta zi kota ku korama xikari ka tiperesu ntsena, Hambu kuwa lahasi ka zirumbi za va delweko. Hambu lezo, a zanga yakwe a yi rengangi, Ni canja gakwe ga ha nawulukile.

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Isaya 25:1

Jehova, u Nungungulu wa mina; Nzi ta ku kulisa, nzi dumisa vito ga wena, Hakuva u mahile zilo zi hlamalisako; A makungo ya kale yo tsumbeka yo tiya.

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Isaya 26:1

A ka siku lego va ta yimbelela lisimu leli tikweni ga ka Juda: Hi na ni muti wa ntamu; I ta yimisa kuhanyisa a kuva khurisi ni lihlavu.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 49:13

Tlhavani zizimba nwina matilo! tsaka wena misava, Bhumani nwina zitsunga, hakuva Jehova i tangalisile a vanhu vakwe, I zwele wusiwana a ka vakwe lava va hlokiswako.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 54:7

Nzi ku tsikile xikhatanyana, Kanilezi nzi ta tlhela nzi ku wuyisa hi tipswalo ta hombe.

Isaya 54:8

Hi kota ya zanga ya mina nzi lo ku fihlela a nghohe ya mina xikhatanyana, Kanilezi nzi ta ku tsetselela hi tipswalo ta pinzukelwa, Ku wula Jehova a Mutiruli wa wena.

Isaya 54:9

Kota lezi nzi nga maha masikwini ya Noa, Hakuva kota lezi nzi nga hlambanya Lezaku a ntalo wa Noa wu nga ta ha tlhelela misaveni; Hizalezo nza hlambanya makunu lezaku cima nzi nga ta ku zangarela kambe, Ge hambu ku ku kawuka.

Isaya 60:10

A vamatiko va ta aka ligingisi la wena, Ni tihosi tabye ti ta ku tirela. Kunene nzi ku bile zangeni ya mina, Kanilezi hi kota ya tipswalo ta mina nzi ku rivalele.

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 64:5

Wa tlhangaveta lava va tsakako ku maha kululama, Lava va ku alakanyako tindleleni ta wena: Languta, u wa zangara hakuva hi ku onhele; Zi wa hi tano ni kale, hi ta hanyiswa ke?

Isaya 65:18

Kanilezi mu ta tsaka mu nengela ka zontlhe lezi nzi ta nga zi vanga, Hakuva Jerusalema nzi ta mu vangela migiyo. Ni vanhu va kona nzi ta va vangela litsako.

Isaya 66:13

Khwatsi hi munhu a tangaliswako hi mamani wakwe, Hizalezo mina nzi ta mu tangalisa; Mu ta tangaliswa mutini wa Jerusalema.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 31:13

Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Zakaria 14:20

A siku lego ku ta tsaliwa laha ka vanyangende va mahaxi ku ngalo: Ku basiselwe Jehova. A timbita leti ti nga lomu ndlwini ya Jehova ti ta fanana ni mingelo leyi yi nga mahlweni ka alati. Ekso. 28:36

Zakaria 14:9

Jehova i tava hosi ya misava yontlhe; hi siku lego Jehova i tava munwe, ni vito gakwe gi tava ginwe. Mal. 1:11; Joh. 10:16

Zakaria 8:11

Kanilezi makunu nzi nga ta maha ka misalela ya vanhu lava khwatsi hilezi nzi nga maha masikwini ya kale, ku wula Jehova wa tiyimpi.

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.