Isaya 10:34 - Tshwa Bible

³⁴ I ta tsema hi xiketse a khwati gi khwelileko, Lebanoni i ta wiswa hi loyi wa ntamu.

Isaya 10:34 Mawu Ofanana

Tisimu 103:20

Khesani Jehova, nwina tingelosi takwe, Nwina tinhenha leʼta ntamu, mu mahako kulaya kakwe, Hi kuzwa a gezu ga mhaka yakwe.

Isaya 10:18

I ta fuvisa a wukosi ga khwati ga yena, ni ga masimu yakwe, Ku mbela muhefemulo ni miri; Ku taku khwatsi hi loku a mubabyi afa hi ku mbhela ntamu,

Isaya 2:13

Gi tata hehla ka tontlhe tisedare ta le Lebanoni, leti to leha ni ti tlakukileko, ni mikuhlu yontlhe ya le Baxani,

Isaya 31:8

Zonake Assiria i ta wiswa hi supado leʼyi nga hiko ya munhu; ni supado leʼyi nga hiko ya vanhu yi ta mu lovisa. I ta tsutsuma mahlweni ka supado, ni majaha yakwe ma ta mahiwa tikhumbi.

Isaya 33:9

A tiko gi le nkosini, ga hloka; Lebanoni i na ni tingana, i wunile; Xaroni o khwatsi ligwangwa, Baxani na Karmeli va tlhatlheka matluka yabye.

Isaya 37:24

Hi malanza ya wena u rukatele a Hosi, Uku: Hi tikareta ta mina leʼtinyingi Nzi kanzihile hehla ka zitsunga, a mareveni ya Lebanoni, Nzi ta tsema tisinya to leha ta tisedare. Ni leʼta kusaseka ta kipres; Nzi ta enghena kala nzi chikela xixungweni xa magumo, Ni lomu khwatini go saseka nguvu;

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Jeremia 22:7

Nzi ta ku vitanela a valovisi, A munwe ni munwani i tava ni matlhari yakwe; Va ta tsema a tisedare ta wena to saseka, Va ti hoxa nzilweni.

Jeremia 48:2

A wudumo ga Moabi a ga ha hi kona; Le Hexboni va mu bohele xikungo, vaku: Tanani, hi ta mu lovisa kasi a ngavi tiko. Na wena Madmeni u ta dawa, A supado yi ta ku lanzela.

Ezekieli 31:3

U wa hi sedare le Lebanoni, a sinya yi sasekileko, Ya maravi yo tlhuma lawa ma nyikako a nzhuti, U wa hi sinya yo tlakuka, a tichoka ta wena ti wa chikela marefini.

Danieli 4:23

Lezi hosi yi wonileko a ngelosi yo basa, na yi relela hi le tilweni, yi taku: Singani a sinya, mu yi lovisa, mu siya ntsena a xibho ni mitsu ya xona lomu misaveni, xi bohiwa hi mangenje ya xiketse ni ya suku lomu byanyini ga khwati, xi tsakamisiwa hi mbhera ya le tilweni, ava ni xiavelo zinwe ni zihari za khwati kala a hunziwa hi ntlhanu wa zikhati ni zimbiri.

Nahume 1:12

Jehova i ngalo: Hambu loku va hi ni ntamu, va hi vanyingi, va ta tsenwa, yena a hunza. Hanibu lezi nzi ku xanisileko, nzi nga ha ta ku xanisa kambe.

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

2 Pedro 2:11

Kanilezi a tingelosi, hambu lezi ti va hunzako hi wunhenha ni ntamu, a ti va lamuli hi kurukatela mahlweni ka Hosi.

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Kuvululelwa 18:21

A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. Jer. 51:64