Isaya 10:3 - Tshwa Bible

³ Mu ta maha yini hi siku ga tsayiselelo, Laha a bhubhutsa gi tako hi le kule? Mu ta chavela ka mani kasi ku vuniwa ke? A titshomba ta nwina mu ta ti veka kwihi?

Isaya 10:3 Mawu Ofanana

Genesisi 31:1

Jakobe i lozwa a timhaka ta vanana va Labani na vaku: Jakobe i tekile zontlhe za raru wa hina; i tekile a tshomba ya dadani a ti fumisa hi yona.

2 Tihosi 7:15

Va lo suka va va lanza va ya chikela le Jordani, va wona laha ndleleni na ku mbambamele tinguwo ni matlhari, lezi zi nga wa hoxetelwe hi maSiria xikhatini lexi va nga wa tsutsuma. A mitsumi yi lo tlhela yi ta bikela a hosi.

Joba 31:14

Nzi ta kuyini laha Nungungulu a ta nga nzi vukela? Ni loku a nzi ranisa nzi ta hlamula yini?

Mavingu 11:4

A wukosi a gi vuni nchumu sikwini ga zanga; anilezi a kululama ka tlhatlhisa kufeni.

Isaya 13:6

Huwelelani, hakuva a siku ga Jehova gi tshinele, Gita kota lobyiselelo hi ka Nyamintamo.

Isaya 17:4

A masiku lawo a wukulu ga Jakobe gi ta hungulwa, Ni kukuluka ka miri wakwe ku ta wonza.

Isaya 20:6

A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?

Isaya 26:14

Lava va fileko va nga ta ha hanya, Ziruti ntsena, va nga ta ha vuka; Hakuva u va tsayisile, u va lovisa, U fuvisile mavito yabye, ma nga ha alakanyiwi. Deut. 32:26; Joba 14:14

Isaya 26:21

Hakuva Jehova wata hi le wutshanwini gakwe, A ku ta tsayisa vaaki va misava hi kota ya kugoha kabye; Zonake a misava yi ta funungula a nkhata wu nga ka yona, Yi nga ha fihli a vadelweko va yona. Gen. 4:10; Mik. 1:3; Mat. 23:35

Isaya 28:20

Hakuva a mubhodi wu komile ka loyi a ranzako ku ti nawula, Ni kumba a wu ringani lezaku a ti phutsela ha wona.

Isaya 29:6

Jehova wa tiyimpi i ta ku tsayisa hi kudzinza Ni kutsekatseka ka misava ni guwa ga hombe, Hi xipupuri ni bhubhutsa, ni langavi ga nzilo wu hisako.

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 30:5

Vontlhe va tava ni tingana hi vanhu va nga hiko na ntamu a ku va vuna, Va nga hiko na xivuno ni bhinzu, Kanilezi va tava tingana ni xisolo ntsena.

Isaya 30:7

Hakuva a kuvuna ka Gipite ka mahala; Hikwalaho nzi wulako lezaku i Rahabi gi nga vuniko nchumu.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 39:3

Zonake ku lota Isaya a muprofeti ka hosi Hezekia, a taku kakwe: Va wula yini a vanhu lava ke? Vata hi kwihi? Hezekia a hlamula, aku: Vata hi tikweni gi nga kule, le Babuloni.

Isaya 5:14

Hikwalaho Xeole xi kulisile kunavela ka xona, Xi ahlamisile a nomu wa xona ku hunza mpimo, A vahombe va Jerusalema va ta relela kona, zinwe ni zidlemo zi mahako guwa, Ni vontlhe lava va tsakako kona.

Isaya 5:26

A mifumo yi nga kule i ta yi tlakusela a nghapa, I ta va bela miloti lezaku va suka magemeta-musi ya misava; Vona va tata hi kutsutsuma.

Jeremia 22:7

Nzi ta ku vitanela a valovisi, A munwe ni munwani i tava ni matlhari yakwe; Va ta tsema a tisedare ta wena to saseka, Va ti hoxa nzilweni.

Jeremia 4:30

U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 9:9

Xana mina nzi nga ta va tsayisa hi kota ya lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Hosea 9:5

Mu ta maha yini sikwini ga gotsovanyano wa ximuse, ni sikwini ga mubuzo wa Jehova ke?

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Amosi 5:19

Mu ta kota munhu a tsutsumako a nghala, a ya tlhangana ni urso; a enghena lomu ndlwini a ti hiketela khurisini hi canja gakwe, a nyoka yi mu luma.

Mika 7:4

A wa nene wa kona ka yontlhe i fanana ni xigetlwani, ni leyi a hunzeleleko kululama i fanana ni khuhu ga mizwa, Gi tshinele a siku ga tsayiselelo wa wena, legi gi wulilweko hi varinzeli va wena, makunu ku tava ni vilinganya.

Zefania 1:18

A siliva yabye hambu ni nzalama yabye zi nga ta va vuna a sikwini ga khulo ga Jehova; kanilezi a tiko gontlhe gi ta hiswa hi nzilo wa xiluse xakwe, hakuva i ta fuvisa vontlhe a vaaki va misava hi lobyiselelo wu chavisekako.

Luka 19:44

Va ta ku hahlula uku putsu, zinwe ni vana va wena lava va nga xikari ka wena; ku nga ta siyiwa xikari ka wena a ribye ginwe hehla ka ginwani; hakuva a ku tivangi a xikhati lexi u enzelwako ha xona. Mika 3:12; Dan. 9:24; Mat. 24:2; Mar. 13:2; 1 Ped. 2:12

Deuteronome 28:49

Na Jehova i ta ku nehela a mufumo wa le kule, wu nga le magumo ka misava, a mufumo wu fananako ni kupuruma ka gama; a mufumo lowu u nga tiviko ni lirimi la wona; Jer. 5:15; 6:22

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15