Isaya 10:20 - Tshwa Bible

²⁰ A xikhatini lexo a misalela ya va ka Israeli, Ni lava va ponileko va yindlu ya ka Jakobe, Va nga ta ha khigela ka loyi a va bileko; Kanilezi va ta tsumba Jehova, Loyi a Basileko wa ka Israeli.

Isaya 10:20 Mawu Ofanana

2 Tihosi 16:7

Zonake Ahaza i lo rumela mitsumi ka Tiglate-Pilesera a hosi ya le Asiria, aku kakwe: Mina nzi nanza ga wena tlhelo nʼwana wa wena. Kanziha u ta nzi hlanguta mandleni ya hosi ya le Siria ni mandleni ya hosi ya ka Israeli, a tihosi ti tileko ku ta nzi vukela.

2 Tihosi 19:31

Hakuva le Jerusalema yi ta huma misalela, le xitsungeni xa Zioni ku huma lava va ta nga pona. Lezo zi ta maheka hi kupangama ka Jehova.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

2 Kronekele 28:16

Xikhatini xwalexo hosi Ahaza i lo rumela xikombelo ka tihosi ta le Assiria, lezaku ti ta mu vunetela;

2 Kronekele 28:20

Na Tilgate-Pilnesera a hosi ya le Assiria i lo ta mu hlokisa, a mu maha nala wakwe, a nga mu nyenyeleteli.

Ezra 9:14

xana hi wa ta tlhela hi hambunyeta milayo ya wena, hiva ni wuxaka ni vanhu va mahanyela yo biha hi ku tekana navo ke? Xana u nga kala u nga hi zangareli u hi lovisa, u nga ha siyi ni salela munwe wa ku pona ke?

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Hosea 14:3

Assiria a nga ta hi hanyisa; hi nga ta khilele a mahaxi. Hi nga ta wula kambe ka mitiro ya mandla ya hina, hiku: Nwina mu vanungungulu va hina; hakuva a xisiwana xa kuma wuxinji ka wena.

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Zefania 3:13

A misalela ya ka Israeli yi nga ta ha goha, yi nga ta hemba mawunwa, ge hambu lirimi la ku khohlisa li nga ta kuva kona milonwini yabye. Hakuva va taga, va etlela hi kurula, a nga hi kona a va dzuxako. Joba 11:19; 1 Joh. 5:18