Isaya 10:13 - Tshwa Bible

¹³ Hakuva yi ngalo: Nzi mahile lezo hi ntamu wa canja ga mina Ni wutlhari ga mina, hakuva nzi na ni kupima. Nzi susile mimbhingano ya matiko, Nzi wutlile mabako ya wona, Khwatsi hi nhenha nzi wisile hasi lava va nga hi zitshanwini za wuhosi.

Isaya 10:13 Mawu Ofanana

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 16:8

Ahaza i lo teka a nzalama ni siliva, lezi zi nga wa hi lomu ndlwini ya Jehova, ni mali ya lomu ndlwini ya hosi, a zi rumela ka hosi ya le Asiria a ku va xinyikiwo. 1 Tih. 15:18

2 Tihosi 17:24

A hosi ya le Asiria yi lo neha a vanhu va le Babuloni ni va le Kuta ni va le Ava, ni va le Hamate, ni va le Sefarvaime, yi ta va akisa lomu mitini ya Samaria, matshanwini ya vanana va ka Israeli; va lo tshama Samaria, va aka mitini ya kona.

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

2 Tihosi 18:11

A hosi ya le Asiria yi lo khoma va ka Israeli, yi va yisa tikweni ga le Asiria, yi ya va akisa le Hala, ni le Habora le Congweni wa Gozani, ni le mitini ya vaMedi,

2 Tihosi 18:15

Hezekia i lo humesa yontlhe a mali leyi yi nga wa hi lomu ndlwini ya Jehova, ni lomu ka bako ga yindlu ya hosi.

2 Tihosi 18:32

kala mina nzi ta mu susa nzi mu yisa ka tiko legi gi fananako ni tiko ga nwina, a tiko ga mavele ni vinya, a tikweni ga zibaba ni zivina, ga tisinya ta mafura ni wulombe, kasi ma fela ku hanya, mu ngafi. Mu nga ingisi Hezekia, hakuva yena o mu khohlisa, aku: Jehova i ta hi tlhatlhisa.

1 Kronekele 5:26

Nungungulu wa ka Israeli i lo kucetela a mbilu ya Pule a hosi ya le Asiria, ni mbilu ya Tilgate-Pilnesera a hosi ya le Asiria, a khoma va ka Rubeni, ni va ka Gadi, ni khihlanya ga nyangwa ya ka Manasa, a va yisa le wukhumbini, a va yisa le Hala, ni Habora, ni le Hara, ni le Congweni wa le Gozani, laho va akileko kona kala nyamutlha.

Mavingu 28:11

A munhu a fumileko i tlharihile kuwoneni kakwe wutsumbu; anilezi wa pimiwa hi zisiwana lezi zi nga ni kupimisisa.

Isaya 10:8

Hakuva i ngalo: A tinduna tontlhe ta mina a hi tihosi ke?

Isaya 5:21

Khombo ka lava va alakanyako lezaku va tlharihile, Lava va ti tsumbako lezaku va kunguhele.

Jeremia 46:8

Hi Gipite gi kukumukako ku fanana ni Nilo, A mati yakwe ma khulunga khwatsi micongo. Aku: Nzi ta kukumuka, nzi fenengeta misava; Nzi lovisa a miti ni vaaki va yona.

Jeremia 48:14

Mu wutisa kuyini muku: Hina hi tinhenha, Hi tinghwazi ta yimpi?

Ezekieli 25:3

uku ka vona; Zwanani a gezu ga Hosi Jehova! Hosi Jehova i ngalo: Lezi u teku ha-ha ka yindlu ya mina yo basa laha yi nga wa nyenyezisilwe; ni ka tiko ga Israeli laha gi nga wa mahilwe marumbi; ni ka yindlu ya ka Juda laha va nga yiswa wukhumbini,

Ezekieli 26:2

Nʼwana wa munhu, kota lezi Tire a nga hlekula Jerusalema, aku: Ha-ha, a nyangwa ya matiko yi khungumulwe, Yi vululekile ka mina; Makunu nzi ta vuvuma hakuva i hahlulwe.

Ezekieli 29:3

Kanela uku: Hosi Jehova i ngalo: Nzi yimekelene na wena Faro, hosi ya le Gipite, drako ga hombe gi etlelako lomu xikari ka micongo ya gona, gi nge ngalo: Lowu congo ngwa mina, nzi ti mahele wutsumbu ganga.

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Danieli 4:30

A hosi yi lo wulawula yiku: Hi gona a Babuloni ga hombe, nzi gi akileko hi ntamu wa mina wa hombe, kasi giva wuakelo ga hosi, gi kulisa a wukulu ga mina.

Amosi 5:27

Hikwalaho nzi ta mu yisa wukhumbini le tlhatuko wa le Damasku, ku wula Jehova, loyi a vito gakwe a nga Nungungulu wa tiyimpi.

Amosi 6:13

Nwina lava mu tsakelako za hava, muku: A hi ntamu wa hina wutsumbu lowu hi nga hlula ha wona ke? 1 Tih. 22:11; Mik. 4:13

Habakuka 1:11

Zonake va hunza kukotisa a mheho, va ti rwexa milanzu, hakuva a ntamu wabye wu mahile nungungulu wabye.

Habakuka 1:16

Zonake a phahlela a likoka lakwe, a hisela masole yakwe a libani, hakuva hi zona zi nonisako a xiavelo xakwe, ni zakuga zakwe zi nanziha.

Habakuka 2:6

A matiko wontihe lawo ma nga ta wulawula ha yena hi kufananisa, ni vingu ga xiruko ke? Va taku: Khombo a give ka loyi a ti anziselako lezi zi nga hiko zakwe! I ta zi maha kala rini, yena loyi a ti rwexako miseve ya milanzu?

Deuteronome 8:17

U nga wuli mbilwini ya wena ku ngalo: A ntamu wa mina ni canja ga mina ga ntamu gi nzi fumisile.

Valamuli 7:2

Jehova aku ka Gideoni: Va tele nguvu a vanhu lava u nga navo, laha kaku a nzi zi koti ku nyikela vaMidiani canjeni gabye, hakuva Israeli va nga ti dzunza va nzi vukela, vaku: Hi lo ti tlhatlhisa ha hoce. Deut. 8:17