Isaya 1:7 - Tshwa Bible

⁷ A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 1:7 Mawu Ofanana

2 Kronekele 28:5

Hikwalaho Jehova Nungungulu wakwe i lo mu nyikela mandleni ya hosi ya Siria; a vaSiria va mu hlasela, va khoma a vanhu vakwe vo tala va va yisa le Damasku. I lo nyikelwa kambe mandleni ya hosi ya va ka Israeli a hlaselwa nguvu hi yena:

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Tisimu 107:39

Zonake va hungutilwe, va tsongahatwa Hi kutsimbeketwa, ni kukarateka ni makhombo,

Tisimu 109:11

Ngha a mupembisi a wutla zontlhe lezi a nga nazo, Ni vamatiko va phanga mihanzu ya ntiro wakwe,

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 34:9

A micongo ya le Edome yi ta hunzuka yiva phiriwa, Ni tshuri wa kona wu hunzuka wuva sulufa, A tiko ga kona gi ta hunzuka giva phiriwa gi vurako.

Isaya 49:19

Hakuva a marumbi ya wena ni ziwula za wena, Ni tiko ga wena gi hahlulweko, Zi nga ta ringana a vaaki va wena, Ni lava va nga ku khadamula va tava kule.

Isaya 5:17

Zonake a tiyivana ti taga kona khwatsi hi loku ti hi wuriselweni ga tona, Ni vamatiko va taga a zipetso zi onhekileko za laʼvo fuma.

Isaya 5:9

Jehova wa tiyimpi i wulile tindleveni ta mina, aku: Hizinene, a tiyindlu tinyingi ti ta hahluka, A tiyindlu to saseka ni ta hombe ti ta vumala vanhu.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Isaya 60:15

Hambu lezi u nga tsikilwe u vengiwa, Laha kaku a munhu a nga ku tsemakanyeli, Nzi ta ku maha uva wutshamu ga lisima kala kupinzuka, A xilo xa litsako ka zizukulwana zinyingi.

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Isaya 64:10

A miti ya wena yi basileko yi mahile xiwula, Zioni gi mahile xiwula, Jerusalema i rumbi.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 9:5

Hakuva a zilato lezi a zi bohileko loyi a ngaya yimpini, Ni tinguwo tontlhe leti ti nga porongelwa nkhateni, Zi ta hoxiwa nzilweni zi hiswa.

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 4:7

A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 6:8

Hunzuluka, O Jerusalema, kasi nzi nga ku fulareli, Nzi ku maha a rumbi, a tiko gi nga hiko na muaki.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Ezekieli 25:4

hikwalaho nzi ta ku nyikela akuva u fumelwa hi vana va Mutsuwuka-gambo, va ta gwimba matenda yabye xikari ka wena, va aka ka wena; va taga mihanzu ya wena, vanwa a masi ya wena.

Ezekieli 30:12

Nzi ta maha micongo yipswha, nzi xavisa a tiko mandleni ya vanhu vo biha. Nzi ta gi hahlula ni zontlhe zi nga ka gona hi canja ga vamatiko; hi mina Jehova nzi zi wulileko.

Hosea 7:9

A vamatiko va mhhetile a ntamu wakwe, kanilezi yena nwinyi a nga zi tivi; ina, i mitile wuvu na a nga zi tivi.

Hosea 8:7

Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Levi 26:34

Zonake a tiko gi ta ti tsakela hi masabado ya gona ka xikhati xontlhe lexo gi ta ngava gi hahlukile, na mu kari mu hangalakile matikweni ya valala va nwina; hi laho a tiko gi ta nga humula gi ti tsakela hi masabado ya gona. 2 Kro. 36:21

Mika 5:11

Nzi ta hahlula a miti ya tiko ga wena, nzi khungumula a makhokhola ya wena wontlhe.

Mika 6:13

Hi kota ya lezi nzi ta kuba a mbanga yi hlokisako, nzi ku hahlula hi kota ya zionho za wena.

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3

Deuteronome 28:43

A muluveli loyi a nga xikari ka wena i ta ti kulisa hehla ka wena nguvunguvu, kanilezi wena u ta relela uya hasi nguvunguvu;

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8