Isaya 1:6 - Tshwa Bible

⁶ Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

Isaya 1:6 Mawu Ofanana

2 Samueli 14:25

Makunu xikari ka vontlhe va ka Israeli yi wa nga hi kona a mbhuri yo hunza Absalome. Va wa mu babaza nguvu; i wa nga hi na bawa kusukela mikonzweni kala hlokweni yakwe.

Joba 5:18

Hakuva wa bayisisa, a tlhela a bohelela timbanga; Wa khuvaza, a mandla yakwe ma tlhela ma holisa.

Tisimu 77:2

Hi siku ga kuxaniseka nzi lo lava Hosi, Nzi lo nawuluta a woko ga mina ni wusiku, nzi nga karali; A muhefemulo wa mina wu lo ala ku tangaliswa.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 30:12

Hakuva Jehova i ngalo: A mbanga ya wena a yi chumeki, Ni khoro ga wena a gi holi.

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 6:14

A va khatalangi ku chuma a ti mbanga ta vanhu va mina, Vaku: Ku rulile, ku rulile! Na ku nga hi na kurula. Mika 3:5; 1 Tes. 5:3

Jeremia 6:7

Kotisa a hlowo yi humesako a mati, Wu humesisa lezo a kubiha ka wona. A kuholova ni kuphanga za zwala ka wona, A wubabyi ni timbanga zi kona mahlweni ka mina.

Nahume 3:19

A mbanga ya wena a yi na ku kanzetelwa, i mbanga; ya kufa. Vontlhe lava va zwako ha wena va ta phakatela mandla hi litsako; hakuva himani a kiyeleko a kubiha ka wena?

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 9:12

Laha Jesu na zi zwile, i te ngalo: Lava va hanyako a va lavi nʼanga, kanilezi sine lava va babyako.

Luka 10:34

I lo tshinela, a mu chela mafura ni vinya timbangeni, a ti bohelela; zonake i lo mu khilelisa ka mbongola yakwe, a mu yisa ndlwini ya vapfhumba, a mu gongola.