Isaya 1:5 - Tshwa Bible

⁵ Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 1:5 Mawu Ofanana

2 Tihosi 1:13

Ahazia i lo engeta a rumela a nduna ya wunharu zinwe ni 50 wa vanhu. Ni nduna ya wunharu laha yi nga wa kanzihile yi lo ta chikela yi khizama hi madzolo ya yona mahlweni ka Elija, yi mu khongotela, yiku: Munhu wa Nungungulu, ponisa wutomi ga mina ni ga vanhu lava va ntlhanu wa makume, a malanza ya wena!

2 Kronekele 28:22

Hambu lezo a nga wa hi khombyeni i lo simamisa a onhela Jehova.

Nehemia 9:34

A tihosi ta hina, kutani tihosana, kutani vapristi, ni vararu va hina, a va hlayisangi milayo ya wena, kutani ku ingisa zileletelo za wena ni wukustumunyu ga wena, lezi wena u nga va khongotela ku zi maha.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Isaya 33:24

A ku na muaki ni munwe a ta ngaku: Nza babya! A vanhu va akileko lomu va ta tsetselelwa zionho zabye. Joeli 3:10; Zak. 12:8

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Isaya 9:21

Manase i taga Efraime, na Efraime aga Manase; Hi wumbiri gabye va ta vukela Juda. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 44:15

Zonake vontlhe vavanuna lava va nga zi tiva lezaku a vasati vabye va hisele vanwani vanungungulu a tibani, ni vavasati vontlhe lava va nga yimile laho xi nga xidlemo xa hombe, vontlhe lava ya nga akile tikweni ga Gipite le Patrosi, va lo hlamula Jeremia,

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Mikosi 5:17

A timbilu ta hina ti rerekile hi kota ya lezi, Ni mahlo ya hina ma mahile xilutsu,

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 34:4

Leti to rereka a mu ti tiyisetangi, ge hambu a ku chuma leyi yi nga babya, kutani ku bohelela leyi yi tshobyilweko, ni ku wuyisa leyi yi nga wa pengisilwe, hambu ku lava leyi yi nga wa lahlekile; kanilezi mu lo ti fumela hi kutsimbeketa ni tihanyi.