Isaya 1:4 - Tshwa Bible

⁴ Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 1:4 Mawu Ofanana

Genesisi 13:13

Kanilezi a vanhu va le Sodoma va wa bihile, va wa onha nguvu mahlweni ka Jehova.

2 Tihosi 21:22

I lo fularela Jehova Nungungulu wa vararu vakwe, a nga fambi hi tindlela ta Jehova.

2 Kronekele 12:1

Makunu laha a mufumo wa Rehoboamu wu nga wa tiyisilwe, a hi ni ntamu, yena ni vontlhe va ka Israeli va lo tsika a nayo wa Jehova.

2 Kronekele 27:2

I lo maha kululama mahlweni ka Jehova, a lanzela zontlhe lezi a raru wakwe Uzzia a nga zi mahile; ntsena lezaku yena a nga enghenangi lomu tempeleni ya Jehova. Kanilezi a vanhu va lo simama va onha.

Nehemia 1:7

Hi ku onhele nguvu, a hi hlayisangi zileletelo, ni milayo, ni ziyimiso lezi u nga zi leletela nanza ga wena Mosi.

Tisimu 58:3

A vakubiha va hambukile na va hi rumbyini, Va lahleka na va ha pswaliwa, va hemba mawunwa.

Tisimu 71:22

Zonake nzi ta ku dumisa hi gubhu, Hi kota ya kutsumbeka ka wena, Nungungulu wa mina. Nzi ta ku yimbelela hi xitende, wena Wakubasa wa Israeli.

Tisimu 78:40

Zikhati zingani va nga mu hluwuka xiwuleni, Va mu zwisa kubayisa lomu cuweni.

Tisimu 78:41

Ina, va lo engeta va ringa Nungungulu, Va tsanwisa Wakubasa wa Israeli.

Tisimu 78:57

Va lo tlhelela nzhako, va khohlisa kota vararu vabye, Vaku khwatsi hi wura legi gi khohlisako.

Tisimu 78:8

Va nga fanani ni vararu vabye, A xizukulwana xa xikaha ni kuhluwuka, A xizukulwana xi nga hiko na mbilu yo tiya, Lexi a moya wa xona wu nga kholekangiko ka Nungungulu Ekso. 32:9; 33:3; 34:9

Tisimu 89:18

Hakuva a xitlhangu xa hina xi lumba Jehova, A hosi ya hina nja Wakubasa wa Israeli.

Eksodusi 32:7

Jehova aku ka Mosi: Suka u famba, hakuva a vanhu va wena lava u va humesileko tikweni ga Gipite, va onhile.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 14:20

Wena u nga ta lahliwa zinwe na vona, Hakuva u hahlule tiko ga wena, u dele vanhu va wena. A pswalo wa vamahi va kubiha wu nga ta ha kumbukiwa.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 3:8

Hakuva Jerusalema gi hahlukile, na Juda i wile, hakuva a tirimi tabye ni zimaho zabye zi vukele Jehova, va tsanwisile a mahlo ya wukulu gakwe.

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Isaya 30:15

Hakuva Hosi Jehova, a Wa ku Basa wa ka Israeli e ngalo: Loku mu tlhela ni loku mu rutisa mu ta kuma kuhanyiswa; a ntamu wa nwina mu ta wu kuma kuruleni ni kutsumbeni; kanilezi mu alile.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 31:2

Kasike na yenawu i tlharihile, i ta neha kukarateka; A nga tlhelisi timhaka takwe, Kanilezi i ta vukela a yindlu ya vakubiha, Ni vavuni va lava va mahako kubiha. Isa. 45:7; Am. 3:6

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Isaya 41:14

U nga chavi wena xiwungwani, Jakobe, Na nwina misalela ya Israeli; Nzi ta ku vunetela, ku wula Jehova; A Mutiruli wa wena hi Loyi wa ku Basa wa ka Israeli.

Isaya 41:16

U ta zi checheta, ni mheho yi ta zi kukuleta, A xipupuri xi zi hangalasa; Kanilezi wena u ta tsakela Jehova, U ti kulisa hi Loyi wa ku Basa wa ka Israeli.

Isaya 41:20

Kasi vanhu va zi wona, va tiva, Va xiyisisa va pima lezaku i canja ga Nungungulu gi mahileko lezo, Ni lezaku Loyi a Basileko wa ka Israeli i zi vangile.

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Isaya 5:24

Hikwalaho khwatsi hi langavi ga nzilo gi gako tihlanga, Ni ku khwatsi hi loku gi hisa byanyi gi omileko, Zinghaho a mutsu wabye wu ta bola, Ni zitsangi zabye zi ta jujeka kukotisa tsutsungwani; Hakuva va tsikile a nayo wa Jehova wa tiyimpi, Va kanyisa a mhaka ya Wa ku Basa wa ka Israeli.

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 65:11

Kanilezi nwina lava mu tsikako Jehova, Mu rivalako a xitsunga xa mina xa kubasa, Mu longiselako Gadi a meza, Mu khelako Meni a vinya;

Isaya 65:3

I tiko legi gi nzi zangarisako xontlhe xikhati Hi ku phahlela lomu masinwini, Ni ku hisa tibani hehla ka ma alati ya zitini;

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 2:13

Hakuva a vanhu va mina va mahile a kubiha kumbiri: Va nzi tsikile, mina loyi nzi nga xibuka xa mati ma hanyako, Va ti akela mathangi ma nga ni tifa, Ma nga zi kotiko ku hlayisa mati. Tis. 36:9; Joh. 4:13

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Jeremia 2:33

U tlharihile nguvu ndleleni ya wena ya ku ya hlota liranzo! Hikwalaho u gonzisile ni vava sati vo biha a tindlela ta wena.

Jeremia 2:5

Jehova i ngalo: Xana kubiha muni a vararu va nwina va ku kumileko ka mina ke? Lezi va tshamako va tsawukene na mina, Va lanzela zifananiso zi nga vuniko, Va hunzuka vava lava va nga nyawuliko? 2 Tih. 17:15; Rem. 1:21

Jeremia 32:32

hi kota ya kubiha kontlhe ka vana va Israeli ni vana va ka Juda, loku va ku mahileko kasi ku nzi zangarisa, vona ni tihosi tabye, ni tihosana tabye, ni vapristi vabye, ni vaprofeti vabye, ni vanhu va ka Juda ni vaaki va Jerusalema. Neh. 9:34; Dan. 9:8

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Jeremia 7:19

Kasi hi mina va nzi zangarisako ke? ku wula Jehova. A va ti vuxeli wutsumbu gabye a tingana ke?

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.

Ezekieli 16:33

Zontlhe zibhayi zi nyikiwa zinyikiwo, kanilezi wena u nyika zinyikiwo zigangu za wena; u va xavelele lezaku vata ka wena hi ka matlhelo wontihe ku ta oswana na wena.

Ezekieli 16:45

Wena u nʼwana wa mamani wa wena, loyi a nga tsika nuna ni vana vakwe; u makabye wa vamakwenu lava va nga tsika vanuna ni vana vabye. A nyine wa wena i wa hi muHiti, a raru wa wena i wa hi muAmori.

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Zefania 1:6

Ni lava va tlhelelako nzhako va fularela Jehova; ni lava va nga hlotangiko Jehova, va nga mu wutisi nchumu.

Mitsengo 32:14

Makunu nwinawu mu lava ku teka xikhundla xa vararu va nwina, mu maha xizukulwana xa vaonhi, mu anzisa a zanga ya Jehova xikari ka va ka Israeli.

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Mateu 23:33

Nwina tinyoka, a pswalo wa maphiri, mu ta ponisa kuyini a kulamulwa ka Gehena ke?

Mateu 3:7

Kanilezi laha na a wona a vanyingi va vaFarisi ni vaSadusi na vata kubapatizeni kakwe, i te ngalo kabye: Pswalo wa tinyoka, mu lulekilwe hi mani ku chava a khulo gi tako ke? Xip. 12:34; Rom. 5:9; 1 Tes. 1:10

Va le Roma 8:7

Hakuva a maalakanyo ya nyama wulala ka Nungungulu; hakuva a ma ingisi a nayo wa Nungungulu, futsi a ma zi koti.

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Deuteronome 29:25

Zonake a vanhu va ta hlamula, vaku: Hi lezi va tsikileko xivumelwano xa Jehova Nungungulu wa vararu vabye, lexi a mahileko zinwe na vona xikhatini lexo a nga va humesa hi le Gipite;

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

Deuteronome 32:19

Jehova i lo zi wona, a va tsika, A holovela vana vakwe va xinuna ni va xisati,

Deuteronome 32:5

Lezi va ti onhileko, a hi vanana vakwe, Hi vona va nga ni nanzu; Lixaka li gombonyekileko ni lo hemba. Ekso. 32:9; Isa. 1:3; Mat. 12:39

Va le Kolosi 1:24

Makunu nza tsaka kuxanisekeni ka mina, loku nzi xanisekako hi kota va nwina; nzi tatisa nyameni ya mina lezi zi nga sele a kuxanisekeni ka Kristu hi kota ya miri wakwe, wu nga bandla gakwe. Efe. 1:23; Fil. 3:10

Kuvululelwa 18:5

Hakuva a zionho zakwe zi chikele ni le tilweni, Nungungulu i alakanyile a zihambuko zakwe. Gen. 18:20; Jona 1:2

Valamuli 10:10

Zonake a vanana va ka Israeli va lo rila ka Jehova, vaku: Hi ku onhele; hakuva hi lo fularela Nungungulu wa hina, hi khozela maBaali.