Isaya 1:28 - Tshwa Bible

²⁸ Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 1:28 Mawu Ofanana

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

2 Kronekele 21:10

A va ka Edomi va lo hluwuka va ka Juda kala lezi. Xikhatini xwalexo Libna i lo hluwuka kakwe, hakuva yena, i wa fularele Jehova Nungungulu wa vadadani vakwe.

2 Kronekele 28:23

Hakuva yena hosi Ahaza i lo phahlela ka vanungungulu va le Damasku lava va mu Wulileko, hakuva i waku: Khwatsi hi lezi a tihosi ta le Siria ti vunetelwako hi vanungungulu va tona, minawu nzi ta va tlhavela miphahlo kasi va fela ku nzi vunetelawu. Kanilezi va lo vuna a ku mu lovisa zinwe ni va ka Israeli.

2 Kronekele 28:6

hakuva Peka nʼwana Remalia i lo daya 120,000 wa vavanuna hi siku ginwe lomu tikweni ga Va ka Juda, vontlhe va wa hi tinhenha; hi kota ya kuya va tiskileko Jehova Nungungulu wa vadadani vabye.

Joba 31:3

A kulobyiswa a ku yimiselwangi a vakubiha ke? Ni hlomulo ka vatiri va kugoha ke?

Joba 34:26

Wa vaba kukotisa vanhu vo biha Kuwoneni ka vanhu vontlhe;

Joba 34:27

Hakuva va mu fulareleko, A va xiyisisangi a tindlela takwe.

Tisimu 1:6

Hakuva Jehova wa tiva a ndlela ya valulamileko, Kanilezi a ndlela ya vakubiha yi ta lova. Mal. 3:18; 2 Tim. 2:19

Tisimu 104:35

A vaonhi a va lobyiswe laha misaveni, A vakubiha ngha va ngave kona kambe. Khesa Jehova, muhefemulo wanga! Dumisani Jehova!

Tisimu 125:5

Kanilezi lava va hambukako tindleleni tabye ta kubiha, Jehova i ta va lobyisa zinwe ni vagohi. A kurula a kuve hehla ka Israeli! Gal. 6:16

Tisimu 37:38

A vahambunyeti va ta lobyiswa vontlhe; Kanilezi a pswalo wa vakubiha wu ta tsenwa.

Tisimu 5:6

U lovisa lava va wulawulako mawunwa; Jehova wa nyenya a zigevenga ni vakhohlisi. Tis. 55:23; Miti. 5:5, 10

Tisimu 73:27

Hakuya lava va sukileko ka wena va ta lova; Wena u lovisa vontlhe lava va ku fularelako.

Tisimu 9:5

U pambule a vamatiko, u lovisa a vakubiha; U vinyile a mavito yabye kala kupinzuka ni kupinzuka.

Tisimu 92:9

Languta, valala va wena, Jehova, Languta, a valala va wena va lova. Vontlhe vahambunyeti va ta hangalaswa.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

Isaya 24:20

a misava yi ta dedereka ku fanana ni xidakwa; yi ta hohloka ku fanana ni xaxa. Yi bhinziwa hi zihambunyeto za yona; yi tawa, yi nga ha vuki kambe.

Isaya 30:13

hikwalaho a kugoha loku ku tava na nwina khwatsi i khurisi gi tlakukileko gi nga ni tifa, legi gi khungumukako hi xitshuketi.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 58:2

Kunene, va nzi hlota wontihe masiku, Va ranza ku tiva tindlela ta mina; Kota gi nga tiko gi mahako kululama, Gi nga tsikangiko nongameto wa Nungungulu wa gona; Va kombela ka mina a zileletelo zi lulamileko, Va tsaka hi ku tshinela kusuhani ka Nungungulu.

Isaya 64:6

Hina hontlhe hi fanana ni loye a nga hlazekangiko, Ni kontlhe kululama ka hina ku fanana ni nguwo yi nga ni chaka; Hina hontlhe hi wuna kukotisa matluka, Ni zigoho za hina za hi kukuleta ku fanana ni mheho.

Isaya 65:11

Kanilezi nwina lava mu tsikako Jehova, Mu rivalako a xitsunga xa mina xa kubasa, Mu longiselako Gadi a meza, Mu khelako Meni a vinya;

Isaya 66:17

Lava va ti nyikelako, va ti basisa masinwini, na va rangelwa hi munwe a yimileko xikari; lava va gako nyama ya khumba, ni zilo za manyala ni makondlo, vontlhe va ta lova, ku wula Jehova.

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 17:13

Wena Jehova u kutsumba ka Israeli; Vontlhe lava va ku tsikako va taku koyo tingana. Vontlhe lava va sukako ka mina va ta tsaliwa vunyeni; Hakuva va tsikile Jehova, loyi a nga xibuka xa mati ya wutomi. Joh. 4:14

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

1 Va le Tesalonika 5:3

Laha va ta ngaku ngalo: Matiko ma etlele, a ku na nchumu, zonake hi xitshuketi xa zalezo a kulobyiswa ku tava hehla kabye, khwatsi hi wasati laha a lunwako; vona cima va nga ta pona. Isa. 13:6

2 Pedro 3:7

Kanilezi a matilo laya ma nga kona makunu, ni misava, zi hlayiselwe nzilo hi gezu gwalego, zi gongelwa a siku ga kulamulwa ni ga kulobyiswa ka vanhu, lava va nga chaviko Nungungulu. Mat. 25:41

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

1 Samueli 12:25

Kanilezi loku nwina mu simamisa ku maha kubiha, nwina ni hosi ya nwina mu ta lobyiswa.