Isaya 1:17 - Tshwa Bible

¹⁷ Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Isaya 1:17 Mawu Ofanana

Tisimu 34:14

Suka kubiheni, u maha kusaseka; Hlota kurula, u ku lanzela. Rom. 12:18; Maheb. 12:14

Eksodusi 22:21

U nga xanisi muluveli, hambu ku mu tsimbeketa, hakuva nwinawu mu wa hi valuveli tikweni ga le Gipite. Levi 19:33; Deut. 24:17

Mavingu 15:25

Jehova i ta hohlolola a yindlu ya wa matshanza; anilezi i ta tiyisa a mbhingano wa noni. Lu. 1:51; 1 Ped. 5:5

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Mavingu 31:9

Vulula nomu wa wena u lamula hi nongameto, yimela zisiwana ni vavumali.

Isaya 1:23

A tihosana ta wena ti hluwukile, ti maha vanghana va makhamba. Vontlhe va ranza ku xavelelwa, va tsutsumela michachazelo. A va yimeli timhaka ta zisiwana, ni mhaka ya noni a yi chikeli ka vona. Ekso. 22:22; Jer. 5:28

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Isaya 56:1

Jehova i ngalo: Hlayisani nongameto mu maha kululama, Hakuva a kuhanyisa ka mina ku laha kusuhani ni kuta, Ni kululama ka mina ku ta wonekeliswa lokuloku. Rom. 13:11

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Zakaria 8:16

A zilo lezi mu ta nga zi maha hi lezi: Munwe ni munwani a wule zinene ka muakelwane wakwe; lamulani hi nongameto ni kurula lomu tihubyeni ta nwina; Isa. 1:17; Efe. 4:25

Deuteronome 14:29

Zonake a muLevi i tata, hakuva yena a nga na xiavelo ni tshomba kota wena, ni muluveli ni xisiwana, ni wasati wa noni, lava va nga laha mutini wa wena, va taga va xura; kasi Jehova Nungungulu wa wena a fela ku ku katekisa mitirweni yontlhe ya wena, leyi u ta nga tira hi mandla ya wena.

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2