Hosea 9:6 - Tshwa Bible

⁶ Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Hosea 9:6 Mawu Ofanana

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

Tisimu 107:34

A misava yo nona a yi maha ya munyu, Hi kota ya kubiha ka vaaki va kona. Joeli 1:10

Mavingu 24:31

Languta, ku wa khubhunyetilwe hi mizwa; i wusosonya gi wa fenengetile a nghohe ya simu: i libhingo li wa hahlukile.

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 19:13

A tihosana ta le Zoana ti mahile zipumbu; A tihosana ta Nofe ti khohlisilwe, Gipite gi pengisilwe hi vanyapanze va tixaka ta gona.

Isaya 27:12

A ka xikhati lexo Jehova i ta kolela mihanzu, Kusukela nzelelweni wa Congo kala congweni wa Gipite, Zonake nwina mu ta vingeretelwa ha munwe-munwe, nwina vana va ka Israeli.

Isaya 32:13

Lomu tikweni ga vanhu va mina ku ta mila mizwa ni zigetlwani, Ina, ni le hehla ka tiyindlu ta kutsaka mutini wa tsakiselelo.

Isaya 34:13

Ku ta mila mizwa lomu ziluvelweni za kona, A mahlehlo ni zigetlwani zi ta mila lomu makhokholeni; Gi tava wuakelo ga mahlolwa ni timbhuwu.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Isaya 7:23

A ka siku lego a xivineni lexi ku nga hi ni 1,000 wa mivina, yi ringeneko ni 1,000 wa macheleni ya siliva, ku ta mila zigetlwani ni mizwa.

Jeremia 2:16

Hambu ni vanana va Nofi ni va Takapanesi va panza a tshavatshava ga wena.

Jeremia 42:22

Hikwalaho zi tiveni khwatsi lezaku mu ta dawa hi supado, ni ndlala ni ntungu, a wutshanwini legi mu lavako ku ya luvela ka gona.

Jeremia 44:1

A gezu legi gi ngata ka Jeremia xungetano ni vaJuda vontlhe lava va nga wa akile tikweni ga Gipite le Migdoli, ni le Tahpanhesi, ni le Nofe, ni lomu tikweni ga Patrosi, giku:

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 44:13

Hakuva nzi taba lava va akileko tikweni ga Gipite, khwatsi hilezi nzi ngaba Jerusalema hi supado ni ndlala ni ntungu.

Jeremia 46:14

Tiyisani le Gipite, mu zi tlhatlhambutela le Migdole, Mu tlhatlhambutela le Nofe ni le Tahpanhesi, Muku: Yima u ti longisela, Hakuva a supado yi gile lava va ku ranzelekeleko.

Jeremia 46:19

Wena nhwana u tshamako Gipite, Ti longisele a kuya wukhumbini, Hakuva Nofe i ta hahlulwa, I ta hiswa a vumala muaki.

Ezekieli 30:13

Hosi Jehova i ngalo: Kambe nzi ta khungumulela a zifananiso, nzi fuvisa a vanungungulu va hava tikweni ga Nofe; ku nga ha ta kuva kona ni hosana a tikweni ga Gipite, nzi ca chela hlanekera a tikweni ga Gipite.

Ezekieli 30:16

Nzi ta dzivela a nzilo le Gipite; Sina i tava kuxanisekeni ka hombe nguvu, No i ta avanyeka, Nofe i ta putsuketwa hi valala ni hlikanhi.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Hosea 11:11

Vata hi le Gipite na va rurumela kukotisa xinyanyani, ni kukotisa a tuva na va huma hi le tikweni ga Assiria. Zonake nzi ta va maha va tshama tindlwini tabye, ku wula Jehova. A kungakholeki ka Israeli.

Hosea 2:6

Hikwalaho nzi ta vala a ndlela yakwe hi mizwa, nzi mu vekela libhingo kasi a nga ha woni tisoko takwe.

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 9:3

Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.

Zefania 1:11

Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.

1 Samueli 13:6

Laha a vanhu va ka Israeli va nga wa wonile lezaku va le mhangweni ya hombe, hakuva a vanhu Va wa karatilwe nguvu, va lo fihlala lomu timhakweni, ni lomu tikhwareni, ni lomu maribyeni, ni lomu mikovotlweni, ni lomu marinzini.