Hosea 9:4 - Tshwa Bible

⁴ Va nga ta maha minyikelo ya vinya ka Jehova, ge hambu ku mu tsakisa hi miphahlelo yabye. A miphahlelo yabye yi taku khwatsi zibaba za xirilo, vontlhe lava va ta nga ziga va ta nyenyeziswa ha zona; hakuva a kuga kabye ku tave ko enela vona voce, zi nga ta enghena ndlwini ya Jehova.

Hosea 9:4 Mawu Ofanana

Eksodusi 29:40

U ta yi nyikela zinwe ni lipinwana la mapa ma nanaselweko, ma kanyangilweko hi khihlanya ga hini ya mafura ya maoliva ma kamilweko, ni khihlanyana ga hini ya vinya, akuva munyikelo wa zakunwa.

Eksodusi 40:23

A vekela hehla ka yona a zibaba, a zi xaxameta mahlweni ka Jehova, kota lezi Jehova a leleteleko Mosi,

Isaya 57:6

A xiavelo xa wena hi maribye yo retemuka ya nkova, Hi yona a tshomba ya wena leyo. Hi wona lawo u ma phahlelako hi vinya, Ni xinyikiwo xa mapa. Nzi ta xalaliswa hi lezo zilo ke?

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Jeremia 16:7

Kambe a nga kona a to phameliwa wuswa ga xirilo, kasi ku mu miyeta hi kota ya ku felwa; kambe a nga ta hiwa a gombe go mu chavelela hi kota ya raru wakwe kutani nyine wakwe.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Ezekieli 24:17

Hefemuteka na u miyele, u nga mahi xirilo xa loyi a fileko; boha xihuku xa wena, u ambala zilato mikonzweni, u nga fenerigeti xilevu xa wena, u ngagi xibaba xa xirilo. Levi 10:6; 13:45; 2 Sam. 15:30; Mika 3:7

Ezekieli 24:22

Mu ta maha khwatsi hilezi mina nzi zi mahileko: mu nga ta fenengeta a malevu ya nwina, ge hambu a kuga xibaba xa zirilo.

Danieli 1:8

Danieli i lo funga mbilwini yakwe lezaku a nga ta ti nyenyezisa hi zakuga za hosi, hambu hi vinya legi yi nwako gona. Hikwalaho i lo kombela ka nduna ya mithenwa lezaku a nga kurumetwi ku ti nyenyezisa.

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Joeli 1:13

Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.

Joeli 1:9

Minyikelo ya tinzhoho ni ya kunwa a ya ha hi kona ndlwini ya Jehova; a vapristi lava va nga zitiri za Jehova va rila.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Levi 17:11

Hakuva a muhefemulo wa nyama wu lomu nkhateni. Hikwalaho nzi mu nyikile wona a ku maha ha wona a nzhiho wa mihefemulo ya nwina laha alatini, hakuva hi wona nkhata wu mahako nzhiho hi kota ya muhefemulo wu nga ka wona. Maheb. 9:22

Levi 21:17

Byela Aroni, uku ka yena: Kani hi wihi munhu wa lixaka la wena zizukulwaneni zontlhe, loyi a lameleko, ngha a nga tshineli ku nyikela a zakuga ka Nungungulu wakwe;

Levi 21:21

Kani hi wihi wa lixaka la mupristi Aroni, loyi a lameleko, ngha a nga tshineli a nyikela miphahlo ya kuhiswa ka Jehova; loye a lameleko ngha a nga tshineli a nyikela zakuga za Nungungulu wakwe.

Levi 21:6

Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Levi 21:8

U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Malaki 2:13

A xinwani lezi mu zi mahako hi lezi; Mu tata a alati ga Jehova hi mihloti, ni kurila ni kutsikwila, laha kaku a nga ha khatali hi minyikelo ya nwina, hambu ku amukela hi litsako lezi zi humako mandleni ya nwina.

Mitsengo 19:11

Loye a khumbako xirumbi xa munhu i tava a nga hlazekangi ntlhanu wa masiku ni mambiri.

Mitsengo 28:2

Leletela a vanana va ka Israeli, uku: Mu ta nzi nehela a munyikelo wa kuhiswa hi xikhati xa wona, lowu wu nga kuga ka mina, wu nga ni masema yo nuhela ka mina.

Mitsengo 4:7

Ni ku fenengeta a meza ya zibaba za xikombiso hi nguwo ya wukuxe, va veka hehla ka yona a mingelo, ni minzheko, ni magombe, ni maguwana yo nwatsekela ha wona, ni zibaba za masiku ni masiku zi ta vekiwa hehla ka yona. Ekso. 25:29

Johani 6:51

Mina nzi xibaba lexi xi hanyako, lexi xi nga relela hi le tilweni; loku munhu aga xibaba lexi, i ta hanya kala kupinzuka. Ni xibaba lexi nzi ta nga nyika xona, hi nyama ya mina, yi nyikilweko kasi tiko ga hanya. Xip. 3:13; Maheb. 10:5, 10

Deuteronome 26:14

Mina a nzi gangi ha zona lomu hlomulweni wa mina, mina a nzi hungulangi nchumu na nzi hi loye a nga basangiko, hambu ni ku nyikela nchumu xa zona hi kota ya vafileko. Nzi ingisile a gezu ga Jehova Nungungulu wa mina, ni kambe nzi mahile zontlhe khwatsi hi lezi u nzi leleteleko.