Hosea 9:3 - Tshwa Bible

³ Va nga ta tshama lomu tikweni ga Jehova, kanilezi Efraime i ta tlhelela Gipite, ni le Assiria va taga kuga ku nga hlazekangiko, Deut. 28:68; 2 Tih. 25:26; Dan. 1:8

Hosea 9:3 Mawu Ofanana

1 Tihosi 9:7

mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Jeremia 2:7

Nzi lo mu neha a tikweni ga pfuno. Kasi mu taga mihanzu ya gona ni kunanziha ka gona. Kanilezi loku mu enghenile ka gona, mu nyenyezisile a tiko ga mina, Ni tshomba ya mina mu yi mahile manyala.

Mikosi 5:6

Hi khozile ka maGipite Ni ka maAssiria kasi hi kuma zo xura ha zona.

Ezekieli 4:13

Jehova a engeta aku: A vana va ka Israeli va ta gisa lezo a zibaba zi nyenyezileko a matikweni lawa nzi ta nga va hlongolela kona.

Danieli 1:8

Danieli i lo funga mbilwini yakwe lezaku a nga ta ti nyenyezisa hi zakuga za hosi, hambu hi vinya legi yi nwako gona. Hikwalaho i lo kombela ka nduna ya mithenwa lezaku a nga kurumetwi ku ti nyenyezisa.

Hosea 11:11

Vata hi le Gipite na va rurumela kukotisa xinyanyani, ni kukotisa a tuva na va huma hi le tikweni ga Assiria. Zonake nzi ta va maha va tshama tindlwini tabye, ku wula Jehova. A kungakholeki ka Israeli.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Levi 18:28

Ti woneleni, a tiko gi nga mu hlata, loku mu gi nyenyezisa; kota lezi gi hlatileko a vanhu lava va nga wa hi kona na mu nga se va kona nwina.

Levi 20:22

Lezo mu ta hlayisa milayo ya mina yontlhe, ni zileletelo za mina zontlhe, mu zi maha, kasi a tiko legi nzi mu yisako ka gona a kuya aka, gi nga mu hlati.

Levi 25:23

A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Mika 2:10

Sukani mu famba, hakuva a mu na wuhumulelo laha, hi kota ya ku nga hlazeki loku ku yisako kulobyisweni ka hombe.

Mitiro 10:14

Kanilezi Pedro aku ngalo: Kokwihi, Hosi; cima a nzi se ngaga a xilo xo yila, ni xi nga hlazekangiko. Levi 11:4; 20:25

Deuteronome 28:63

Khwatsi hi lezi Jehova a tsakako hi ku mu katekisa a mu enzelekisa, zinghaho kambe Jehova i ta tsaka hi ku mu lovisa ni ku mu mbhetisa; na nwina mu ta hlomulwa lomu tikweni lego mu yako ku ya gi fumela.

Deuteronome 28:68

Na Jehova i ta mu tlhelisa muya Gipite hi mataru, a mu fambisa hi ndlela leyi mina nzi nga wa ku byelile lezaku: U nga ta ha yi wona kambe;, zonake leyo mu ta ya ti xavisa ka valala va nwina, a kuva mu hi tikhumbi ta vavanuna ni tikhumbi ta vavasati, kanilezi a nga kona munhu a ta nga xava nwina.

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Joxua 23:15

Ku ta ku khwatsi hi lezi a magezu wontihe lawa Jehova Nungungulu wa nʼwina a mu byelileko wona ma mahekileko, zi tava nghaho kambe Jehova i ta tiyisa hehla ka nwina wontihe magezu lawa yo biha, mu kala mu mbhela lomu ka tiko legi go saseka, legi Jehova Nungungulu wa nwina a mu nyikileko gona.