Hosea 9:17 - Tshwa Bible

¹⁷ A Nungungulu wa mina i ta va hlongola, hakuva a va mu ingisangi; va tava vanyapepe xikari ka matiko.

Hosea 9:17 Mawu Ofanana

2 Kronekele 18:13

Mikaia i lo hlamula, aku: Nzi hlambanya ha Jehova a hanyako; lezi yena a ta nga wula ka mina, hi zalezo nzi ta nga wula zona!

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Nehemia 5:19

Nungungulu wanga, nzi alakanye hi kusasa kontlhe loku nzi ku mahe leko lava vanhu. Neh. 13:14, 22, 31; Maheb. 6:10

Tisimu 31:14

Kanilezi nzi ku tsumbile, Jehova, Nziku: Wena u Nungungulu wa mina.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Isaya 48:18

O, loku ku wo khwatsi wa ingisa zileletelo za mina! Zonake a kurula ka wena ku wa ta khulunga ku khwatsi i congo, Ni kululama ka wena ku wa ta ku khwatsi mabyandlati ya bimbi,

Isaya 7:13

Isaya aku: Ingisani makunu, nwina va yindlu ya ka Davida: Kasi xilo xitsongwani loku mu karata vanhu, ko kala mu karata na Nungungulu wa mina ke?

Jeremia 6:30

Vona va ta wuliwa ku i siliva yi tsikilweko, hakuva Jehova i va tsikile.

Jeremia 7:13

Makunu na mu mahile a zimaho lezi zontlhe, ku wula Jehova, nzi wulile a ka nwina na ga hi mixo, nzi mu byela, kanilezi a mu ingisangi; nzi lo mu vitana kanilezi a mu hlamulangi.

Jeremia 7:15

Nzi ta mu hlongola mahlweni ka mina, kota lezi nzi sinako nzi hlongole a vamakabye vontlhe va nwina, a lixaka lontlhe la ka Efraime. 2 Tih. 17:23

Hosea 4:10

Vataga, kanilezi va nga ta xura; va ta bhaya kanilezi va nga ta enzeleka, hakuva va tsikile ku ingisa Jehova. Levi 26:26; Hag. 1:8

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 7:13

I khombo ka vona, hakuva va nzi fularele. A va lobyiswe hakuva va nzi hluwukile! Va hembile wunwa ha mina hambu lezi nzi nga va tlhatlhisile.

Amosi 8:2

Yena aku ka mina: Amosi, xini u xi wonako? Mina nziku: Xirunzu xo tala hi mihanzu yi buvileko. Zonake Jehova aku ka mina: A kugumelwa ka vanhu va mina va Israeli ku chikele. Nzi nga ta ha va tsetselela kambe. Am. 7:8

Amosi 9:9

Hakuva nzi ta leletela lezaku a yindlu ya ka Israeli yi heheriwa xikari ka matiko wontlhe, kukotisa a mavele ma heheriwako hi lihlelo, ku ngawi ni nzhoho yinwe lahasi.

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Johani 20:17

Jesu aku ngalo kakwe: U nga nzi khumbi; hakuva a nzi se ku kanziha a kuya ka Dadani; kanilezi famba ka vanakulori, u yaku ka vona: Nza kanziha ka Dadani wa mina ni Dadani wa nwina, a Nungungulu wa mina ni Nungungulu wa nwina. Tis. 22:22; Mat. 28:10; Rom. 8:29; Maheb. 2:11; Xip. 16:28

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Johani 7:35

Hi laha vaJuda va ngaku ngalo xikari kabye: I taya kwihi, laha hi ta nga kala hi nga mu kumi ke? Xana i xuva kuya ka lava va hangalakileko xikari ka vaGreki, a ya gonzisa vaGreki ke? Isa. 11:12; Jak. 1:1; 1 Ped. 1:1

Mitiro 3:23

Ni wihi munhu loyi a nga ingisiko a muprofeti loye, i ta lobyiswa aku bhi xikari ka tiko. Maheb. 2:2, 3; 10:29; 12:25

Deuteronome 32:26

Nzi ngalo: Nzi ta va hangalasa; Nzi ta vinya kualakanya ha vona xikari ka vanhu.

Deuteronome 4:25

Laha u ta nga beleka a vanana ni vazukulu, ni laha mu ta nga ngha mu tshamile kale lomo, zonake mu ti onha, ni loku mu ti vatlela zifananiso leʼzi fananisako kani hi xihi xilo, mu maha kubiha mahlweni ka Jehova Nungungulu wa nwina, mu mu zangarisa,

Deuteronome 4:27

Jehova i ta mu hangalasa xikari ka matiko, zonake mu ta siyiwa mu hi tsengwana wutsongwani xikari ka matiko lawo Jehova a ta nga mu yisa ka wona.

Va le Filipi 4:19

A Nungungulu wa mina i ta mu nyika zontlhe lezi mu zi vumalako, khwatsi hi kufuma kakwe ni kungangamela kakwe ka Kristu Jesu. Tis. 23:1; Mav. 8:21; 2 Kor. 9:8

Jakobe 1:1

Mina Jakobe, a nanza ga Nungungulu, ni ga Hosi Jesu Kristu, nza rungula ka khume ga tixaka ni timbiri leti ti hangalakileko. Miti. 12:17; 26:7; Juda 1