Hosea 9:13 - Tshwa Bible

¹³ Efraime i khwatsi hilezi nzi nga wonisa zona Tire, a byalilweko wutshanwini go saseka; kanilezi Efraime i ta heleketa vana vakwe ka mudayi.

Hosea 9:13 Mawu Ofanana

2 Tihosi 15:16

Zonake Menahema i lo hlasela Tifsa ni vontlhe lava va nga wa hi lomo, ni matikwana ya kona, kusukela le Tirza, hakuva va wa nga mu vulule-langi a tinyangwa ta wona; hikwalaho i lo wu hlasela, a bhoxetela a marumbu ya vavasati lava va nga hi ni tinyimba.

Joba 27:14

Loku a vana vakwe va anza, va ta dawa hi supado; Ni vazukulu vakwe va nga ta xura hi zakuga. 2 Tih. 10:7

Jeremia 7:15

Nzi ta mu hlongola mahlweni ka mina, kota lezi nzi sinako nzi hlongole a vamakabye vontlhe va nwina, a lixaka lontlhe la ka Efraime. 2 Tih. 17:23

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Mikosi 2:22

U nzi rambele kuchavisa matlhelo wontlhe, khwatsi hi siku ga mutlhangano wa ximuse; A nga kona ni munwe wo pona, a nga sala hi siku ga zanga ya Jehova. Lava nzi nga va wukarela, nzi va wundla, a nala wa mina i va lovisile.

Ezekieli 27:3

Wena loyi u akileko laha tinyangweni ta bimbi, loyi u nga mahungani xikari ka vanhu va zihlale zinyingi, Hosi Jehova i ngalo: Wena Tire u te ngalo: Nzi mbhelele hi wumbhuri.

Hosea 10:14

Ku ta huma pfilupfilu xikari ka vanhu va wena, a makhokhola ya wena wontihe ma ta khungumulwa, kota lezi Xalmani a nga khungumula Bet-arbeli hi siku ga kulwa, laha a vamamani va nga pswandlaswa zinwe ni vanana.

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Hosea 13:8

Nzi ta wela hehla kabye khwatsi nzi urso gi tekelweko a vana va gona, nzi hanzula a pambani wa timbilu tabye; nzi va khadamula laho kukotisa nghala; a zivanza zi ta va hanzula. 2 Sam. 17:8; Jer. 5:6

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Hosea 9:16

Efraime i bilwe, a mitsu yakwe yi womile, a nga ta ha pswala mihanzu kambe. Ina, hambu loku vo pswala, nzi ta daya a mihanzu yo ranzeka ya tinyimba tabye.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24