Hosea 9:1 - Tshwa Bible

¹ Israeli, u nga bhumi hi kutsaka khwatsi hi matiko; hakuva u fularele a Nungungulu wa wena wubhayini, u ranzile a nzhiho wa wubhayi matshanwini wontihe ya kuhula.

Hosea 9:1 Mawu Ofanana

Tisimu 73:27

Hakuya lava va sukileko ka wena va ta lova; Wena u lovisa vontlhe lava va ku fularelako.

Isaya 17:11

Kunene, a siku legi u zi byalako zi hatla zi kula, Ni mixo a timbewu ta wena ti pfepfa; Kanilezi a kutshovela ku nyamalala hi siku ga hlomulo ni kubayiseka ka hombe.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 44:17

Kanilezi hi ta maha zontlhe lezi hi zi wulileko hi milomu ya hina, hi ta hisela a muzinza wa tilo a libani, ni ku mu mahela miphahlo ya kunwa khwatsi hilezi hi mahileko hina ni vadadani va hina, ni tihosi ni tihosana ta hina lomu mitini ya ka Juda ni lomu maruweni ya Jerusalema. Hakuva xikhatini lexo hi wa hi ni kuga ku eneleko, hi wa humelela, hi nga woni kubiha.

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Ezekieli 16:15

Kanilezi u tsumbile a wumbhuri ga wena, u maha wuoswi hi kota ya wudumo ga wena, u ti nyikela wubhayini ni vontlhe vahunzi lava va nga zi ranza.

Ezekieli 16:30

Ku kulisile kuyini a kunavela ka mbilu ya wena, ku wula Hosi Jehova, lezi u mahako zontlhe lezi, wu nga ntiro wa xibhayi xo tshisa;

Ezekieli 20:32

Lezi nwina mu zi alakanyako zi nga ta maheka, lezi mu nge: Hi ta fanana ni yinwani mifumo ni tixaka ta matiko: hi ta khozela a tisinya ni maribye. Deut. 4:28

Ezekieli 21:10

Yi lotelwe ku hlasela, yi kutliwa kasi ya fela ku kwezima. Xana hi nga tsaka ke? A nhonga ya nʼwana wa mina yi kanyisa tontlhe tisinya.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 2:12

Nzi ta hahlula a zivina zakwe, ni mikuwu yakwe leyi a nga wula ha yona, aku: Leyi i hakhelo nzi nyikilweko hi zigangu za mina. Nzi ta zi hunzula zi maha khwati, zi giwa hi zivanza za khwati. Deut. 23:17; Isa. 5:5

Hosea 4:12

A vanhu va mina va kombela wusungukati ka timhinga tabye, a nhonga yabye yi va tlhatlhambutela; hakuva a moya wa wubhayi wu va pengisile, va bhayile va tsika Nungungulu wabye.

Hosea 5:4

A va zi koti ku tlhelela ka Nungungulu wabye hi kota ya zimaho zabye; hakuva a moya wa wubhayi wu lomu nzeni kabye, Jehova a va mu tivi.

Hosea 5:7

A va tsumbekangi ka Jehova, hakuva va belekile a vanana va wubhayi. A hweti leyi ya yiswa yi ta va lovisa zinwe ni ziavelo zabye.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Amosi 4:5

Mahani miphahlelo ya kubonga hi lezi zi comelweko, muba nyiwo hi minyikelo leyi yi mahiwako hi kuxuva ka munhu; hakuva mu ranza lezo, nwina vanana va ka Israeli, ku wula Hosi Jehova. Levi 2:11; 7:12

Amosi 6:13

Nwina lava mu tsakelako za hava, muku: A hi ntamu wa hina wutsumbu lowu hi nga hlula ha wona ke? 1 Tih. 22:11; Mik. 4:13

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Jakobe 4:16

Kanilezi makunu mo bhuma matshanzeni ya nwina; a kubhuma kontlhe ka kunghaho ku bihile. 1 Kor. 5:6

Jakobe 5:1

Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9