Hosea 8:7 - Tshwa Bible

⁷ Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Hosea 8:7 Mawu Ofanana

Genesisi 41:23

Nzi lo wona na ku huma yinwani ya ntlhanu ni mimbiri ya mipumbunzela, na yi wunile yi swile, hi moya wa xikobani.

2 Tihosi 15:19

Ku lota Pule a hosi ya le Asiria a ku ta vukela tiko ga ka Israeli. Zonake Menahema i lo nyika Pule 1,000 wa titalenta ta siliva, kasi a fela ku mu vunetela ku tiyisa wuhosi lomu mandleni yakwe.

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

Joba 4:8

Khwatsi hilezi nzi zi wonileko, lava va rimako kugoha, Va byala kubiha, va tshovela zalezo. Hos. 8:7; Gal. 6:7

Mavingu 22:8

Loyi a xwanyako kubiha i ta tshovela kubayiseka; i nhonga ya zanga yakwe yi ta mbhela.

Mutshawuteli 5:16

Kambe kubiha ka hombe, lezaku i tlhelisa lezi a nga tisa zona; i bhinzu muni a nga nago hi ku tirela mheho ke?

Isaya 17:11

Kunene, a siku legi u zi byalako zi hatla zi kula, Ni mixo a timbewu ta wena ti pfepfa; Kanilezi a kutshovela ku nyamalala hi siku ga hlomulo ni kubayiseka ka hombe.

Isaya 55:2

Hikuyini mu xakelako mali hi ku xava lezi zi nga hiko zakuga ke? Hikuyini mu humesako hakhelo ya nwina hi kota ya lezi zi nga xurisiko ke? Nzi ingiseni, mu taga zo nanziha, mu ti tsakisa hi lezi zi nonileko.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Jeremia 12:13

Va byalile mavele, va tshovele mizwa; Va ti karatile mahala. Mu tava ni tingana hi kota ya kutshovela ka nwina, Ni kota ya kuhisa ka khulo ga Jehova. Levi 26:16; Deut. 28:38; Hag. 1:6

Mikosi 5:2

A tshomba ya hina yi nyikilwe a vamatiko, A tiyindlu ta hina ti le mandleni ya vahleva. Deut. 28:30

Hosea 2:9

Hikwalaho nzi ta mu tekela a mavele ya mina xikhatini xa yona, ni vinya ga mina nguveni ya gona, nzi mu wutlela a woya ga mina ni wukene ga mina, lezi zi nga te ngha zi fenengetile a wumbyiri gakwe.

Hosea 7:9

A vamatiko va mhhetile a ntamu wakwe, kanilezi yena nwinyi a nga zi tivi; ina, i mitile wuvu na a nga zi tivi.

Hosea 9:16

Efraime i bilwe, a mitsu yakwe yi womile, a nga ta ha pswala mihanzu kambe. Ina, hambu loku vo pswala, nzi ta daya a mihanzu yo ranzeka ya tinyimba tabye.

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Va le Galatia 6:7

Mu nga ti khohlisi, Nungungulu a nga kalavisiwi; hakuva lezi munhu a xi byalako, xwalexo i ta xi tshovela. Joba 13:9; Lu. 16:25; 1 Kor. 6:9

Va le Galatia 6:8

Hakuva loyi a byalelako a nyama yakwe, hi nyama i ta tshovela kubola; kanilezi loyi a byalelako a Moya, hi Moya i ta tshovela a wutomi ga pinzukelwa. Jak. 3:15

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3