Hosea 8:5 - Tshwa Bible

⁵ A role ga wena Samaria ga nzi hlamukisa; a zanga ya mina ya va vindlukela. Va ta ala ku basiswa kala rini?

Hosea 8:5 Mawu Ofanana

2 Kronekele 13:8

Makunu nwina mu alakanya ku kuma ntamu mahlweni ka mufumo wa Jehova, lowu wu nga canjeni ga vana va Davida; nwina mu tele nguvu, kanilezi mu na ni marole ya nzalama lawa Jeroboamu a mu mahela a kuva vanungungulu va nwina.

Tisimu 19:13

Hlayisa a nanza ga wena ka zionho lezi zi tiriwako ha womu, Lezaku zi nga fumi hehla ka mina. Zonake nzi nga tava ni nanzu wa kuonha ka hombe.

Mavingu 1:22

Nwina zipumbu, ku ta kala kuva rini na ma ha ranza wupumbu ke? vatseketseli va ta xalaliswa hi kutseketsela, i zipumbu zi ta venga wutivi kala rini ke?

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Jeremia 13:27

Nzi wonile a wubhayi ga wena ni kurila ka kunavela ka wena, A wugango ga wena go hunzeleta le zitsungeni ni lomu masinwini. Khombo ka wena Jerusalema! Xana u ta rinzela kala rini na u nga basiswi ke?

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Hosea 13:2

Makunu va simamisa ku onha, va ti mahela a zifananiso zi chululweko hi siliva yabye, zi nga zifananiso za vanungungulu va kupima kabye; zontlhe lezi hi mitiro ya vafuli. Va wulawula ha zona, vaku: Lava va phahlelako ngha va pswopswa marole.

Hosea 8:6

Hakuva gona gita hi ka Israeli; mufuli a gi mahileko, gona a hi Nungungulu. Ina, a role ga Samaria gi ta tshobyiwe fufanyi.

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

Mika 1:7

A zifananiso zakwe zontlhe zi vatlilweko zi ta fayetelwa, ni minzhiho leyi a yi amukeleko hi wubhayi yi ta hiswa hi nzilo, nzi khungumulela a zifananiso zakwe za vanungungulu; hakuva i zi kumile hi nzhiho wa wubhayi, zi ta tlhela zi maha hakhelo ya xibhayi. Deut. 23:18; Hos. 2:5

Mitiro 7:41

Va lo maha a role hi lawo masiku, va neha a muphahlo zifananisweni, va tsaka hi mitiro ya mandla yabye.

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.