Hosea 8:14 - Tshwa Bible

¹⁴ Hakuva Israeli i rivele a Mumahi wakwe, a aka ziluvelo; na Juda i anzisile a miti yi bhiyelweko. Kanilezi nzi ta rumela a nzilo hehla ka miti yakwe, wu ta hisa a ziluvelo za yona.

Hosea 8:14 Mawu Ofanana

1 Tihosi 12:31

I lo aka tiyindlu lomu matshanwini ma tlakukileko a yimisa vapristi va humelako matlhelweni wontihe ya tiko, va nga hiko vana va ka Levi.

1 Tihosi 16:31

A nga kolwangi hi ku maha a zionho lezi zi mahilweko hi Jeroboamu nʼwana Nebate. I lo engeta kambe hi ku teka Jezebeli wa Etebali, a hosi ya vaSidoni, a ya khozela Baali a mu khizamela.

2 Tihosi 18:13

Hi lembe ga wu 14 ga kufuma ka Hezekia ku lota Senakeribe a hosi ya le Asiria; i lo kanziha ku ta hlasela a miti yontlhe ya makhokhola ya ka Juda, a yi teka. Isa. 36:1

2 Kronekele 26:10

I lo aka makhokhola le xiwuleni, a kela tihlowo tinyingi lomo, hakuva i wa hi ni tihomu to tala lomu mikoveni ni lomu tibaleni, ni varimi, ni varimi va zivina le zitsungeni za Karmeli, hakuva i wa ranza mitiro ya wurimo.

2 Kronekele 27:4

Ni kambe i lo aka a miti le xitsungeni xa ka Juda, a aka ni tiyindlu ta wuhosi ni makhokhola lomu makhwatini.

Tisimu 106:21

Va lo rivala Nungungulu, Muhanyisi wabye, Loyi a nga maha zilo za hombe le Gipite;

Tisimu 95:6

Tanani, a hi khizameni hi korama, A hi khizameleni Jehova, a mumahi wa hina. Isa. 43:7; Efe. 2:10

Isaya 17:10

Hakuva u tsikile Nungungulu wa kuhanyiswa ka wena, A ku alakanyangi a ribye ga khokhola ga wena, Hikwalaho u ta rima a masimu ya zibyalo zo saseka, U sima kona a zibyalo za le matikweni.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Isaya 42:25

Hikwalaho i chulule a zanga yakwe hehla kabye, Ni kuleva ka yimpi. A nzilo wa yona wu va renzelekele, kanilezi a va wu pimangi; Wu va hisile, kanilezi a va wu khatalelangi. Jer. 7:20; Ezek. 20:8; Hos. 5:10

Isaya 43:21

A tiko legi nzi ti maheleko gona gi ta nzi dzunza.

Isaya 9:10

A makhurisi ya zitini ma khungumukile, Kanilezi hina hi ta ma aketa hi maribye ma vatlilweko; A mikuwu yi tsemilwe, Hi ta vekela tisedare matshanwini ya yona.

Isaya 9:9

A vanhu vontlhe va ta yi tiva, Efraime ni vaaki va le Samaria, Lava va wulako hi matshanza ni kunonoha ka timbilu, vaku:

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Jeremia 23:27

Na va alakanya lezaku va ta maha vanhu va mina va rivakelwa hi vito ga mina hi kota ya miloro yabye, leyi munwe ni munwani a byelako a muakelwane, kotisa lezi a vakoko vabye va nga rivala a vito ga mina hi kota ya Baali. Vala. 3:7; 8:33

Jeremia 3:21

Lomu migangeni ku zwakala a gezu ga zirilo ni kutsikwila ka vana va ka Israeli; Hakuva vona va bihisile tindlela tabye, Va rivele Jehova, a Nungungulu wabye.

Jeremia 5:17

Vona va taga a mavele ya wena ni xibaba xa wena, va taga vafana va wena ni vanhanyana va wena, va taga tiyivu ta wena ni tihomu ta wena, va taga zivina za wena ni mikuwu ya wena; a miti ya wena ya makhokhola, leyi u yi tsumbako, va ta yi lovisa hi supado. Levi 26:16; Deut. 28:31

Ezekieli 23:35

Hikwalaho Hosi Jehova i ngalo: Kota lezi u nzi riveleko, u nzi fularela, hikwalaho u ta tsayiswa hi wuoswi ga wena ni wubhayi ga wena. 1 Tih. 14:9; Jer. 2:32; 3:21

Hosea 13:6

Va xurile wuriselweni gabye; loku va xurile a timbilu tabye ti lo kukumuka, va nzi rivala. Deut. 8:12; 32:15

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Amosi 1:10

Kanilezi nzi ta rumela a nzilo khurinisi ga Tire, wu ta hisa a ziluvelo za kona. Jer. 47:4; Ezek. 26:3

Amosi 1:12

Kanilezi nzi ta rumela a nzilo le Temani, wu ta hisa a ziluvelo za Bozra.

Amosi 1:14

Kanilezi nzi ta dzivela a nzilo khurisini ga Rabba, wu hisa a ziluvelo za kona, na ku biwa tihuwa sikwini ga kulwa, ni mheho a sikwini ga bhubhutsa.

Amosi 1:4

Nzi ta rumela a nzilo lomu ndlwini ya Hazaeli, Wu ta hisa a ziluvelo za Ben-hadade. 2 Tih. 13:3; Jer. 49:27

Amosi 2:5

Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.