Hosea 8:13 - Tshwa Bible

¹³ Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 8:13 Mawu Ofanana

Eksodusi 20:3

U nga ta kuva ni vanwani vanungungulu mahlweni ka mina.

Eksodusi 32:34

Suka makunu u rangela vanhu, u ya navo laha nzi ku leleteleko kona. Languta a ngelosi ya mina yi ta rangela mahlweni ka wena. Kanilezi a siku ga ku va tsayisa ka mina, nzi ta va tsayisa hi zionho zabye.

Mavingu 21:27

A muphahlo wa loyi wa kubiha manyalataniso; guvunguvu loku a wu nyikela hi makungo ya kubiha.

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Jeremia 14:10

Jehova i wula hi tiko legi, aku: Va ranza ku pepetseka kota lezi, A va ti khomangi kufambeni ka bye; Hikwalaho Jehova a nga xalaliswi ha vona; Makunu i ta alakanya a kusoholoka kabye, a tsayisa zionho zabye.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Ezekieli 29:16

Wu nga ta ha tsumbiwa hi yindlu ya ka Israeli, hakuva wu ta va alakanyisa hi kuonha kabye laha va nga hunzulukela ka wona. Va ta zi tiva lezaku hi mina Hosi Jehova.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Hosea 12:11

Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.

Hosea 4:9

Hikwalaho a mupristi i ta humelela hi ndlela yinwe ni vanhu; nzi ta va tsayisa hi kota ya mahanyela yabye, nzi va chachazela a zimaho zabye.

Hosea 5:6

Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Hosea 6:6

Hakuva nzi ranza wuxinji, a nzi ranzi miphahlelo; ni ku tiva Nungungulu ka hunza a minyikelo ya kuhiswa. 1 Sam. 15:22; Mat. 9:13; 12:7

Hosea 7:11

Efraime i fanana ni tuva ga manya, gi nga hiko na kupima; va vitana a maGipite, vaya le Assiria. 2 Tih. 15:19; 16:7

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Hosea 7:2

A va khumbuli timbilwini tabye lezaku nza alakanya a kubiha kabye. Makunu a zimaho zabye zi va ranzele, zi le mahlweni ka mina.

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Hosea 9:7

A masiku ya kutsayiswa ma chikele, a masiku ya nchachazelo ma chikele! Israeli i ta zi tiva! A muprofeti i hunzukile xipumbu, a munhu wa moya i hungukile hi kota ya wunyingi ga zigoho za wena ni wukulu ga kuhluwuka ka wena.

Hosea 9:9

Va ti wisile kuonheni ka hombe a ku khwatsi hi masikwini ya le Gibea. I ta alakanya a zigoho zabye a vaba hi kota ya zionho zabye.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Amosi 5:22

Ina, hambu loku mu nzi mahela a minyikelo ya nwina ya kuhiswa ni ya tinzhoho nzi nga ta yi amukela; ge hambu a minyikelo ya nwina ya kurula ya zihari zi nonileko.

Amosi 8:7

Jehova i hlambanyile hi matshanza ya Jakobe, aku: Hizinene cima nzi nga ta rivala ni wunwe wa mitiro yabye.

Luka 12:2

A ku na xilo xi fenengetilweko, xi ta nga kala ku funungulwa, ni lexi xi fihlilweko xi ta nga kala ku tibyiwa. Xip. 8:17; Mat. 10:26; Mar. 4:22

1 Va le Korinte 11:20

Hikwalaho loku mu tsombana, a zi koteki kuga xilalelo xa Hosi,

1 Va le Korinte 11:29

Hakuva loyi a gako ni kunwa na a nga hambanyisi xikari ka miri wa Hosi ni kuga kunwani, i ti gela a ti nwela kulamulwa.

1 Va le Korinte 4:5

Hikwalaho mu nga lamuli nchumu hi xihatla, yi kala yita Hosi; leyi yi ta nga humesa kubaseni a zilo zi fihlilweko za munyama, yi wonekelisa a makungo ya timbilu; zonake munwe ni munwani i ta kuma hi ka Nungungulu a kudzunziwa loku ku mu ringeneko. Mat. 7:1; Rom. 2:29; 2 Kor. 5:10; Kuv. 20:12

Deuteronome 28:68

Na Jehova i ta mu tlhelisa muya Gipite hi mataru, a mu fambisa hi ndlela leyi mina nzi nga wa ku byelile lezaku: U nga ta ha yi wona kambe;, zonake leyo mu ta ya ti xavisa ka valala va nwina, a kuva mu hi tikhumbi ta vavanuna ni tikhumbi ta vavasati, kanilezi a nga kona munhu a ta nga xava nwina.

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7